Strałkoŭ (Hirkin) pryznaŭ stratehičnuju parazu bajevikoŭ pad Łuhanskam: «Paŭtor Słavianska»
Važak terarystaŭ Danbasa nazvaŭ situacyju bajevikoŭ «vielmi kiepskaj».
«Učora praciŭnik pierarezaŭ apošniuju asnoŭnuju trasu, što źviazvała Danieck z Łuhanskam i, adpaviedna, z Rasijaj, — zajaviŭ «hałoŭnakamandujučy armijaj DNR» dla siabroŭskich internet-resursaŭ (zachoŭvajem stylistyku aryhinała), — Apornyja punkty praciŭnika raźmieščany ciapier u pasiołkach Biełaje i Viasiołaja Tarasaŭka. Ciapier ukry zakopvajuć u ziamlu niekalki dziasiatkaŭ tankaŭ i BMP, kab vyklučyć mahčymaść praryvu abarony». I jon iznoŭ uskosna pryznaje, što bajeviki atrymlivajuć zbroju z Rasii: «Zdača Biełaha i Viasiołaj Tarasaŭki — heta stratehičnaja paraza. Ciapier nas adsiakajuć ad miažy — heta značyć, ad luboha zabieśpiačeńnia».
Pałkoŭnik Strałkoŭ-Hirkin pryznaŭ taksama vialikuju parazu pad Danieckam. «Unačy praciŭnik prajšoŭ praz Tonieńkaje da aeraporta Daniecka, stvaryŭšy sietku apornych punktaŭ, kožny ź jakich abaronieny piaćciu-siamiu tankami».
Strałkoŭ-Hirkin, jaki vyłučajecca cyničnaj ščyraściu, horka krytykuje «svaju internet-armiju»: «Bravurnyja paviedamleńni, jak jany dastali! «Apałčeńnie pieramahaje!» Aha, dva razy!.. Adzin da adnaho paŭtarajecca situacyja sa Słavianskam — praciŭnik, prasoŭvajučysia, reža nam kamunikacyi, a ŭ tvitarach hučyć «Vsie chorošo, priekrasnaja markiza…»
Hetym paćvierdziłasia zajava ŭkrainskaha Minabarony i dopisy karystalnikaŭ sacyjalnych sietak, što ŭčora ŭkrainskija siły dasiahnuli vyrašalnaha pośpiechu pad Łuhanskam i Danieckam. Byli razbłakavany aeraporty Daniecka i Łuhanska i zaniaty paŭdniova-ŭschodnija ŭskrainy Łuhanska.
Koła vakoł terarystaŭ zamknułasia. Zaraz uratavać ich zmoža tolki adkrytaje vajennaje ŭmiašańnie Rasii.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu12
Kamientary