Vystava šryftavoha dyzajnu i typahrafiki Type Directors Club — z 23 studzienia 

23 studzienia ŭ 17.00 u mastackaj halerei «Univiersitet kultury» adbudziecca adkryćcio vystavy Type Directors Club (TDC), na jakoj upieršyniu ŭ Biełarusi ŭvazie hledačoŭ buduć pradstaŭleny vydatnyja prykłady šryftavoha dyzajnu i typahrafiki, sabranyja z usiaho śvietu.

Pavialičyć

Type Directors Club – mižnarodnaja arhanizacyja, jakaja stavić pierad saboj metu akazvać sadziejničańnie prafiesijnaj adukacyi ŭ halinie teoryi i historyi šryfta, šryftavoha dyzajnu, novych technałohij i mahčymaściaŭ šryfta jak instrumienta kamunikacyi. Historyja Type Directors Club pačałasia ŭ 1943 hodzie, kali supracoŭnik adnaho rekłamnaha ahienctva Dž. Uołtar Tompsan zaprasiŭ čatyroch svaich kaleh sustrecca padčas abiedu i pahavaryć ab prafiesijnych prablemach šryftavoha dyzajnu. U toj čas u rekłamnych ahienctvach sa šryftam pracavali albo tyja, chto jaho raspracoŭvaŭ, albo art-dyrektary. Za adzin hod kolkaść udzielnikaŭ niefarmalnaha hurtka Tompsana vyrasła, i ŭ kastryčniku 1946 hoda byŭ stvorany Type Directors Club.

Siońnia, praź siemdziesiat dva hady, arhanizacyja pieratvaryłasia ŭ mižnarodnuju asacyjacyju, siabrami jakoj źjaŭlajucca śpiecyjalisty z tryccaci čatyroch krain. Type Directors Club – niekamiercyjnaja prafiesijnaja arhanizacyja. Hałoŭnaja zadača TDC – raspaŭsiudžvańnie infarmacyi i viedaŭ ab šryftavym dyzajnie i ab tym, jak lepš vykarystoŭvać šryft u roznych śfierach vizualnaj kamunikacyi, – jak siarod prafiesijanałaŭ, tak i šyrokaj publiki va ŭsim śviecie.

Vyšejšy znak pryznańnia prafiesijnych zasłuh, pośpiechaŭ, układu i dasiahnieńniaŭ u mastactvie i technicy šryftavoha dyzajnu i typahrafiki – miedal «Tajp dyrektars kłuba» – prysudžajecca raz u niekalki hadoŭ peŭnym asobam i arhanizacyjam.

Vystavy TDC demanstrujuć lepšyja pracy, adznačanyja na mižnarodnych konkursach TDC 57 (typahrafika) i TDC² (šryftavy dyzajn), – jakija arhanizujucca kłubam. Knižnyja i pieryjadyčnyja vydańni, płakat, ajdentyka, rekłama i ŭpakoŭka, a taksama lepšyja nabornyja šryfty, sprajektavanyja za minuły hod – usio heta budzie ŭpieršyniu pakazana publicy ŭ Minsku.

Inicyjavańnie, arhanizacyja i praviadzieńnie TDC u Minsku: «Šryft-padzieja»

Hienieralny sponsar TDC u Minsku: Kampanija ARTOX (http://www.artox.com/)

Infarmacyjny partnior TDC ŭ Minsku: Marketing.by (http://marketing.by/)

Mastackaja halereja «Univiersitet kultury»

Adras: Kastryčnickaja pł., 1 (Pałac Respubliki), teł.: +375 17 327-26-12

Čas pracy: 11.00-19.00, vychodnyja: niadziela, paniadziełak

Uvachod volny

• 0
• 0
• 0
• 0
• 0
• 0
• 0
• 0