Redaktar časopisa The Economist zaklikaŭ bajkatavać žurnalistaŭ, jakija supracoŭničajuć z pucinskimi telekanałami i sajtami
Jak pieradaje RIA Naviny, vystupajučy na Miunchienskaj kanfierencyi, Łukas abvinavaciŭ telekanał Russia Today i radyjo Sputnik, jakoje ŭvachodzić u skład «Rasii siehodnia», u «vytvorčaści chłuśni».
U pryvatnaści, jon zajaviŭ, što rasijskich žurnalistaŭ z hetych ŚMI «treba vypchnuć na zadvorki miedyjnaj prastory, kab da ich bolš nie stavilisia, jak da sapraŭdnych žurnalistaŭ i bačyli ŭ ich tolki frykaŭ i prapahandystaŭ».
Taksama Łukas paabiacaŭ, što vykarystaje svoj asabisty ŭpłyŭ, kab procidziejničać karjernamu rostu žurnalistaŭ, jakija supracoŭničali z RT i Sputnik.
U svaju čarhu, kiraŭnik «Rasija siehodnia» Dźmitryj Kisialoŭ zajaviŭ, što ŭznačalvanaje im mižnarodnaje infarmacyjnaje ahienctva aburanaje zajavami redaktara brytanskaha časopisa The Economist.
«Heta prahučała nastolki dzika. I ŭsio tamu, što chtości dazvalaje sabie vykazvać pohlady, adroznyja ad pohladaŭ Łukasa», — zajaviŭ Kisialoŭ.
U Biełarusi biuro ahienctva «Rośsija siehodnia» ŭznačaliŭ Andrej Kačura, jaki raniej pracavaŭ u pres-słužbie biełaruskaha KDB, a paśla na «Viesti FM» i VHTRK.
Kamientary