Hledačy atrymali mahčymaść kuplać kvitki ŭ Kupałaŭski na sajcie teatra. Ab hetym paviedamili ŭ Nacyjanalnym akademičnym teatry imia Janki Kupały.
Pačała dziejničać abnoŭlenaja viersija sajta kupalauski.by. Całkam źmianiŭsia jaho dyzajn, navihacyja, struktura. Klučavoje novaŭviadzieńnie — u pradastaŭleńni mahčymaści nabyć kvitok na śpiektakli teatra. Dla hetaha dastatkova, zarehistravaŭšysia na sajcie, kiravacca instrukcyjami raździełaŭ «Zabraniravać kvitok», «Apłacić kvitok», «Razdrukavać kvitok».
U teatry raskazali, što na sajcie jość infarmacyja ab śpiektaklach, jakija prachodziać ź sinchronnym pierakładam na anhlijskuju movu. Usie pastanoŭki Kupałaŭskaha iduć na biełaruskaj movie, pierakładnyja pakazy abaznačany ŭ afišy śpiecyjalnym znakam. Bližejšyja takija śpiektakli projduć 20-22 sakavika — heta premjernaja «Čajka» ŭ pastanoŭcy Mikałaja Pinihina.
Akramia taho, sajt Kupałaŭskaha teatra isnuje ŭ anhłamoŭnaj viersii, što daje mahčymaść atrymlivać infarmacyju ab teatry i jaho pastanoŭkach ad pieršakrynicy zamiežnym naviedvalnikam.
Abnoŭlenaja viersija sajta intehravana z sacyjalnymi sietkami, i ź jaho možna adrazu pierajści da archiva teatralnych videazapisaŭ na YouTube abo na aficyjnuju staronku teatra na Facebook, sačyć za padziejami Kupałaŭskaha tam, prahladać bolš zdymkaŭ, čytać intervju z artystami.
Na novym sajcie taksama raźmieščana infarmacyja ab rabocie kaviarni «Aŭsteryja Uršula» i asartymiencie suvienirnaj kramy, jakaja znachodzicca ŭ minijaciurnym budynku pobač z teatram.
Siarod servisaŭ taksama mahčymaść kupli kvitkoŭ anłajn i na inšyja teatralna-muzyčnyja mierapryjemstvy ŭ biełaruskaj stalicy. U raździele «Afiša Minska» možna znajści infarmacyju ab inšych mierapryjemstvach.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary