U svaim viačernim vystupleńni prezident Ukrainy Uładzimir Zialenski paćvierdziŭ, što abiacańnie Pucina nie rabić hetymi dniami ŭdaraŭ pa abjektach enierhietyki sapraŭdy amal vykonvajecca. Ale heta nie aznačaje, što ŭdaraŭ uvohule niama.
«Pačaŭsia hety dzień z dakładaŭ z rehijonaŭ: va ŭsich našych abłaściach z nočy na piatnicu sapraŭdy nie było ŭdaraŭ pa abjektach enierhietyki. Amal nie było. Akramia Danieckaj vobłaści, dzie byŭ adzin udar pa hazavaj infrastruktury, udar avijabombaj.
Taksama zaraz bačym pieraaryjentacyju Rasii na ŭdary pa łahistycy, pa vuzłavych stancyjach. U pryvatnaści, byŭ udar pa adnym z vahonaŭ Ukrainskaj čyhunki, śpiecyjalny vahon-elektrastancyja, — ranicaj heta adbyłosia na Dniaproŭščynie. Važna, što našy čyhunačniki pracujuć i zabiaśpiečvajuć spałučeńnie va ŭsich rehijonach.
Uvieś dzień praciahvalisia i zvyčajnyja ataki dronami, avijabombami. Na Charkaŭščynie byŭ udar balistykaj pa składach amierykanskaj kampanii «Filip Morys». Byŭ značny pažar. Byli ŭdary pa Nikapali, pa Chiersonie, prymiežnych rajonach Charkaŭskaj, Sumskaj i Čarnihaŭskaj abłaściej», — pieraličyŭ Zialenski.
Jon padkreśliŭ, što staŭleńnie Ukrainy da hetaha lustranoje:
«Amierykanski bok kazaŭ pra ŭstrymańnie ad udaraŭ pa enierhietycy na praciahu tydnia, i ŭ noč na siońnia adlik pačaŭsia. Zaležyć ad partnioraŭ, viadoma, — ad Złučanych Štataŭ, — jak usio heta projdzie. Ukraina hatova lustrana ŭstrymacca ad udaraŭ, i siońnia my nie nanosili ŭdaraŭ pa rasijskich enierhaabjektach».
U Kramli paviedamili, na jaki termin Pucin paabiacaŭ Trampu nie bić pa Ukrainie
Zialenski: My nie addamo Danbasa biez boju
Zialenski: «Ja publična zaprašaju Pucina ŭ Kijeŭ, kali jon advažycca». I kateharyčna vyklučyŭ sustreču ŭ Biełarusi
Zialenski paćvierdziŭ damoŭlenaści ab «enierhietyčnym pieramirji» z Rasijaj
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary