U centry Maskvy na Vasiljeŭskim spusku zastreleny Barys Niamcoŭ. Pra heta paviedamlajuć rasijskija infarmacyjnyja ahienctvy sa spasyłkaj na krynicu ŭ pravaachoŭnych orhanach.
Palityk byŭ zabity čatyrma strełami ŭ hrudzi. «Jon išoŭ pa Vialikim Kamiennym moście ź dziaŭčynaj, nieviadomyja vyskačyli z mašyny, zrabili čatyry streły i schavalisia», — adznačyła krynica.
Barys Niamcoŭ byŭ lidaram rasijskaj apazicyi, nieprymirymym krytykam Pucina i rasijskaj ahresii va Ukrainie.
U dapucinskija časy jon byŭ vice-premjeram urada i razhladaŭsia jak inšy mahčymy pierajemnik Barysa Jelcyna. Ale vybar Jelcyna paŭ na Pucina.
Niamcoŭ adkryta i niedvuchsensoŭna asudziŭ rasijskuju ahresiju va Ukrainie ŭ 2014. Pucinskija prapahandysty razharnuli suprać sapraŭdnuju kampaniju nianaviści i ckavańnia.
Dva tydni tamu na pytańnie žurnalista, ci nie baicca jon, što jaho zabjuć, Niamcoŭ adkazaŭ: «Vy viedajecie, tak… Trochi. Nie tak mocna, jak mama, ale ŭsio ž… Ale ŭsio ž ja nie tak mocna jaho bajusia. Kali b ja bajaŭsia vielmi mocna, to naŭrad ci uznačalvaŭ b apazicyjnuju partyju, naŭrad ci b zajmaŭsia tym, čym zajmajusia».
Dzień nazad, 26 lutaha, Niamcoŭ u fejsbuku nazvaŭ Pucina zabojcam, jakoha čakaje Haahski trybunał.
«Ja razumieju, što kramloŭskim sadystam, jakija ŭ detalach viedajuć, što adbyvajecca z Saŭčankaj, dastaŭlaje asablivaje zadavalnieńnie ździekavacca ź jaje, jak u svoj čas ździekavalisia i daviali da śmierci Mahnickaha. Ja taksama razumieju, što jaje śmierć pryviadzie da piersanalnych sankcyj suprać Pucina, — napisaŭ jon. — Dalej budzie Haaha. Zabojcam nie spahadajuć», — napisaŭ Niamcoŭ.
Zabojstva Barysa Niamcova stała šokam dla rasijskaha hramadstva. Možna mierkavać, što jano vykliča novuju chvalu emihracyi z Rasii.
-
Iranski pasoł paśla sustrečy z Łukašenkam: Amierykanski ŭdar pa škole byŭ achviaraprynašeńniem duchu djabła
-
Izrail nanios udar pa Chamieniei sa strataśfiery. Biez papiaredniaha ŭdaru pa SPA, jak zvyčajna ŭ sučasnych vojnach
-
Źjaviłasia VIDEA tarpiednaha ŭdaru pa iranskim frehacie Dena. Jaho až uźniało nad vadoju
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka5
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary