Łamin Dzijak, były prezident Mižnarodnaj asacyjacyi lohkaatletyčnych fiederacyj, aficyjna staŭ padazravanym u atrymańni chabaraŭ u abmien za admovu ad sankcyj u dačynieńni da rasijskich spartoŭcaŭ, abvinavačanych va ŭžyvańni dopinhu.
Francuzskaja prakuratura miarkuje, što Dzijak atrymlivaŭ chabar u 2011 hodzie. Jak śćviardžajuć francuzskija ŚMI, hrošy mahli być atrymanyja ad Usierasijskaj fiederacyi lohkaj atletyki za ŭtojvańnie dadzienych ab parušeńniach antydopinhavych praviłaŭ z boku rasiejskich spartoŭcaŭ.
Pierš čym suprać Dzijaka byli vystaŭlenyja abvinavačvańni, palicyja praviała pieratrus ŭ štab-kvatery IAAF ŭ Manaka.
Dzijaku, 82-hadovamu uradžencu Sieniehała, a taksama jaho daradcy pa jurydyčnych pytańniach Chabibu Sisie, pradjaŭlenyja abvinavačvańni ŭ karupcyi, admyvańni hrošaj i zmovie, paviedamlaje Frans-pres sa spasyłkaj na zajavu francuzskaj prakuratury.
Abodva adpuščanyja pad zakład.
U Cierciela prahučaŭ novy akcent: «razradka ŭ cełym toj napružanaści» ŭ adnosinach z Polščaj i Bałtyjaj21
Kamientary