U Rasii novaja kampanija: studenty patrabujuć sudzić Abamu, ale pierabłytali Viarnadskaha
Studenty niekalkich rasijskich univiersitetaŭ adnačasova zapisali zvarot da hienieralnaha sakratara AAN Pan Hi Muna i Haahskaha trybunała z patrabavańniem sudzić prezidenta ZŠA Baraka Abamu.
Studenty patrabujuć pryznać ZŠA «hałoŭnaj pahrozaj čałaviečaj cyvilizacyi».
Jak havorycca ŭ podpisie da apublikavanaha videa, studentaŭ na padobny zvarot natchniła pietycyja na sajcie Biełaha doma, u jakoj taksama zaklikajecca sudzić Abamu jak vajennaha złačyncu. Pietycyja, aŭtary jakoj nie paznačanyja, źjaviłasia 8 lutaha.
Žarty ŭ internecie vyklikała toje, što studenty Krymskaha fiederalnaha ŭniviersiteta majuć raściažku, u jakoj pamyłkova napisali proźvišča navukoŭca, imia jakoha nosić hetaja navučalnaja ŭstanova. Tam staić «Viarnandskaha», a treba «Viarnadskaha». Viarnadski — vialiki rasijska-ŭkrainski pryrodaznaŭca i fiłosaf XX st.
«Proklatyj Obama, čto žie ty sdiełał s rośsijskim obrazovanijem!» — iranizuje kamientatar Mr240581.
Vialikuju ŭvahu akcyi nadali rasijskija ŚMI.
Kampanija nahadała anałahičnyja ŭ časy SSSR i ŭ tatalitarnych krainach.
Barak Abama — prezident ZŠA ad 2008 hoda. Jahony termin kiravańnia skančajecca ŭ 2016. Jon atrymaŭ Nobieleŭskuju premiju miru za zhortvańnie vajennaj aktyŭnaści ZŠA na Blizkim Uschodzie. Jahony zamiežnapalityčny kurs vyłučajecca strymanaściu ŭ paraŭnańni z palitykaj papiarednikaŭ i imknieńniem stvarać kaalicyi i prymać rašeńni kansensusam miž sajuźnikami. Krytyki abvinavačvajuć jaho ŭ miakkaciełaści, jakaja pryviała da anieksii Rasijaj kavałka Ukrainy, zaciahvańni hramadzianskaj vajny ŭ Siryi i zachopie častki terytoryi Iraka «Isłamskaj dziaržavaj».
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary