У Расіі новая кампанія: студэнты патрабуюць судзіць Абаму, але пераблыталі Вярнадскага
Студэнты некалькіх расійскіх універсітэтаў адначасова запісалі зварот да генеральнага сакратара ААН Пан Гі Муна і Гаагскага трыбунала з патрабаваннем судзіць прэзідэнта ЗША Барака Абаму.
Студэнты патрабуюць прызнаць ЗША «галоўнай пагрозай чалавечай цывілізацыі».
Як гаворыцца ў подпісе да апублікаванага відэа, студэнтаў на падобны зварот натхніла петыцыя на сайце Белага дома, у якой таксама заклікаецца судзіць Абаму як ваеннага злачынцу. Петыцыя, аўтары якой не пазначаныя, з'явілася 8 лютага.
Жарты ў інтэрнэце выклікала тое, што студэнты Крымскага федэральнага ўніверсітэта маюць расцяжку, у якой памылкова напісалі прозвішча навукоўца, імя якога носіць гэтая навучальная ўстанова. Там стаіць «Вярнандскага», а трэба «Вярнадскага». Вярнадскі — вялікі расійска-ўкраінскі прыродазнаўца і філосаф ХХ ст.
«Проклятый Обама, что же ты сделал с российским образованием!» — іранізуе каментатар Mr240581.
Вялікую ўвагу акцыі надалі расійскія СМІ.
Кампанія нагадала аналагічныя ў часы СССР і ў таталітарных краінах.
Барак Абама — прэзідэнт ЗША ад 2008 года. Ягоны тэрмін кіравання сканчаецца ў 2016. Ён атрымаў Нобелеўскую прэмію міру за згортванне ваеннай актыўнасці ЗША на Блізкім Усходзе. Ягоны замежнапалітычны курс вылучаецца стрыманасцю ў параўнанні з палітыкай папярэднікаў і імкненнем ствараць кааліцыі і прымаць рашэнні кансэнсусам між саюзнікамі. Крытыкі абвінавачваюць яго ў мяккацеласці, якая прывяла да анексіі Расіяй кавалка Украіны, зацягванні грамадзянскай вайны ў Сірыі і захопе часткі тэрыторыі Ірака «Ісламскай дзяржавай».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары