Prezientacyja fotaalboma «Karahod biełaruskich abradaŭ» Anatola Kleščuka adbudziecca ŭ Instytucie kultury Biełarusi (Minsk, vuł.Kalinoŭskaha, 12) 18 lutaha, a 16-j hadzinie, ŭ faje 2-ha paviercha.
Kniha vyjšła u vydaviectvie «Biełaruś» naprykancy 2015 hoda i pryznana lepšym fotaalbomam u naminacyi «Fotapohlad» u ramkach konkursu «Mastactva knihi» na CHCHIII Minskaj mižnarodnaj knižnaj vystavie-kirmašy.
Anatol Klaščuk — viadomy ŭ Biełarusi i za jaje miežami fotamastak, jaki pravioŭ bolš za 30 piersanalnych vystaŭ, najbolš značnyja ź jakich adbylisia ŭ štab-kvatery AAN u Ńju-Jorku, dvojčy ŭ budynku Jeŭraparłamienta ŭ Brusieli, u Pałacy Lihi Nacyj u Ženievie, u Nacyjanalnym mastackim muziei ŭ Minsku, u halerei Vili Brand Chaus i ŭ Bundestahu ŭ Bierlinie.
«Karahod biełaruskich abradaŭ» — vynik šmathadovaj pracy aŭtara — fotakarespandenta haziety «Źviazda». Na staronkach alboma źmiaściłasia paŭnavartasnaje daśledavańnie tradycyjnych śviat.
Heta kalandarnyja abrady i zvyčai z roznych rehijonaŭ Biełarusi, mnohija ź jakich uziatyja pad achovu dziaržavy, a taksama amatarskija formy zasvajeńnia niemateryjalnaj kulturnaj spadčyny moładździu i ŭviadzieńnie hetaj abradavaj spadčyny ŭ haradskoje asiarodździe, u interaktyŭnyja formy dziejnaści muziejaŭ. Mnohija abrady jašče čakajuć svaich daśledčykaŭ i pierajmalnikaŭ.
Jon zaprašaje na prezientacyju knihi ŭsich zacikaŭlenych biełaruskaj tradycyjnaj kulturaj!
Aŭtara možna zaprašać na lubyja cikavyja abrady, jakija ładziacca ŭ Vašaj miascovaści. Teł. Anatola Kleščuka (029) 627-18-77.
Kamientary