Refierendum u Niderłandach: 32% jaŭki, 61% suprać asacyjacyi z Ukrainaj
Pavodle papiarednich vynikaŭ padliku hałasoŭ refierendumu ŭ Niderłandach, 61,1% prahałasavaŭ suprać ratyfikacyi Pahadnieńnia ab asacyjacyi Ukraina—ES.
Pra heta paviedamlajuć niderłandskija ŚMI.
Jaŭka skłała 32,2%. Jak viadoma, dla taho kab refierendum byŭ pryznany sapraŭdnym, jaŭka pavinna skłaści 30%.
Padlik hałasoŭ zaviaršyŭsia kala paŭnočy. Kančatkovyja vyniki refierendumu buduć abvieščanyja 12 krasavika.
Niderłandski premjer užo abvieściŭ, što pytańnie ratyfikacyi pahadnieńnia ab asacyjacyi ES z Ukrainaj adkładajecca. Usie astatnija krainy Jeŭrasajuza ŭžo ratyfikavali pahadnieńnie.
Dla viartańnia da ratyfikacyi Niderłandy buduć, imavierna, nastojvać na źmianieńni ŭmoŭ pahadnieńnia. Majuć być praviedzienyja novyja pieramovy.
Refierendum vyklikaŭ mabilizacyju ŭsich jeŭraskieptykaŭ Niderłandaŭ, jakija vystupajuć suprać dalejšaha pašyreńnia sajuza.
Vyniki refierendumu ŭ Niderłandach nie paŭpłyvajuć na praktyčnaje prymianieńnie Pahadnieńnia ab asacyjacyi Ukrainy ź ES.
Pra heta zajaviŭ kiraŭnik MZS Ukrainy Pavieł Klimkin u čaćvier u Tokia, pieradaje «Interfaks-Ukraina».
«Z punktu hledžańnia praktyčnaj implemientacyi ciapier ničoha nie mianiajecca, pahadnieńnie prymianiajecca, jak i raniej, pakul na časovaj asnovie. Tak što nichto nie pieražyvaje nijak. I zona svabodnaha handlu, i siektaralnaje supracoŭnictva spakojna prasoŭvajucca dalej», — zajaviŭ ministr, kamientujučy papiarednija vyniki refierendumu ŭ Niderłandach.
Kamientary