«Ja adčuvaju biaźmiežnuju ŭdziačnaść»: siamja i blizkija naviedali mahiłu Janki Bryla FOTA
Narodny piśmieńnik Biełarusi pajšoŭ z žyćcia dziesiać hadoŭ tamu.
Ivan Antonavič pachavany pobač z žonkaj Ninaj Michajłaŭnaj na mohiłkach u minskim pryharadzie Kałodziščy.
Kali ŭ 2003 hodzie pajšła z žyćcia žonka Janki Bryla, jaje nie dazvolili pachavać ni na Uschodnich, ni na Kalvaryjskich mohiłkach. Razłučacca z kachanaj piśmieńnik nie chacieŭ, tamu jaho pachavali pobač. Janka Bryl, choć i byŭ pakryŭdžany, kazaŭ: «I tut ziamla biełaruskaja…»
Blizkija piśmieńnika adznačajuć, što miesca žyvapisnaje, na ŭzhorku, adnak dabiracca da mohiłak składana: pa darozie amal nijakich ukazalnikaŭ i zabłukać vielmi lohka.
Naviedać mahiły Ivana Antonaviča i Niny Michajłaŭny pryjechali ich dzieci: Natalla, Halina i Andrej z žonkaj Ninaj Pilipaŭnaj. Razam ź imi pryjechaŭ i ŭnuk Anton Francišak Bryl.
Taksama byli hieołah Radzim Harecki, historyk Anatol Sidarevič, piśmieńnica Volha Ipatava z mužam Jahoram Fiadziušynym i žurnalist Michaś Skobła.
Bolš za hadzinu blizkija Janki Bryla praviali la jaho mahiły. Pryhadvali roznyja epizody z žyćcia, źviazanyja ź piśmieńnikam i jaho siabrami, abmieńvalisia navinami.
«Nataša i Hala, ja chaču skazać pra svaju biaźmiežnuju ŭdziačnaść, jakuju adčuvaju da vašaj siamji, – kaža Volha Ipatava, i na jaje vočy navaročvajucca ślozy. – Heta była pieršaja narmalnaja siamja, jakuju ja ŭbačyła. Viedajecie, jak heta ŭ dziciačym domie było… Jakija tam siemji. I raptam ja pryjazdžaju ŭ siamju piśmieńnika, tam siadziać dźvie charošyja dziaŭčynki. I hetaja słaŭnaja siamja, ź jaje tradycyjami… Vam nie pieradać. Ja, moža być, nie mahła hetaha vykazać. Pakolki ź dziciačaha doma, to krychu dzikavataja byvaju. Ale voś hetaja naša sustreča dla mianie nahoda skazać vialiki dziakuj vam i vašaj siamji, jakaja tak dobra da mianie staviłasia. Dla mianie vialikaje ščaście, što šlachi majho baćki, maci i Ivana Antonaviča syšlisia i ja mahła da jaho źviartacca jak da siabra majho baćki».
Źleva naprava: Anton Francišak Bryl, Andrej Bryl i Radzim Harecki.
10 hadoŭ bieź Janki Bryla. Cikavyja epizody z žyćcia piśmieńnika
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary