Pa vynikach 2016 hoda pakazčyk zachvorvańnia VIČ-infiekcyjaj u Biełarusi skłaŭ 25,2 vypadku na 100 tysiač nasielnictva, paviedamlaje Respublikanski centr hihijeny, epidemijałohii i hramadskaha zdaroŭja.
U 2015 hodzie ŭpieršyniu vyjaŭlenych vypadkaŭ VIČ było 24,3 na 100 tys. čałaviek.
Adznačajecca, što pa-raniejšamu ŭ respublicy ŭ asnoŭnym pieravažaje pałavy šlach pieradačy VIČ — 72,8% vypadkaŭ. U epidemičny praces čaściej uciahvajucca mužčyny — ich dola siarod tych, chto zachvareŭ, skłała 62,3%, žančyn — 37,7%.
Čaściej za ŭsio VIČ-infiekcyja vyjaŭlajecca va ŭzrostavaj hrupie 40 i bolš hadoŭ — krychu bolš za tracinu vypadkaŭ, druhoj pa značnaści źjaŭlajecca ŭzrostavaja hrupa 30—34 hady — čverć vyjaŭlenych vypadkaŭ. Va ŭzrostavaj hrupie 35—39 hadoŭ častata vyjaŭleńnia VIČ skłała kala 20%, siarod asob ad 25 da 29 hadoŭ — 14,7%, ad 20 da 24 hadoŭ — 5,8%.
Samyja nizkija značeńni — 0,9% — adznačajucca va ŭzrostavaj hrupie ad 15 da 19 hadoŭ i siarod dziaciej da 14 hadoŭ.
Jak raniej paviedamlaŭ BiełaPAN, miedyki kanstatujuć, što ŭ Biełarusi siońnia tolki 45% VIČ-infikavanych viedajuć ab svaim statusie, a z bolš čym 17 tysiač nośbitaŭ virusa, zarehistravanych u arhanizacyjach achovy zdaroŭja, terapiju atrymlivajuć tolki 48%.
Pry hetym u respublicy pracuje 48 ananimnych punktaŭ prafiłaktyki VIČ/ŚNID, kudy luby žadajučy moža źviarnucca pa dapamohu i prajści testavańnie. Ź ich 32 punkty — dla narkaspažyŭcoŭ. Usie VIČ-pazityŭnyja pacyjenty, kali ŭ ich jość pakazańni da pryznačeńnia śpiecyfičnaha lačeńnia, biaspłatna atrymlivajuć leki dla antyretravirusnaj terapii. Miedyki padkreślivajuć, što, svoječasova pačaŭšy antyretravirusnuju terapiju i prytrymlivajučysia ŭsich ukazańniaŭ urača, ludzi, jakija žyvuć ź VIČ, mohuć pražyć doŭhaje i paŭnavartasnaje žyćcio.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary