Muzyčnuju kazku «Čyhunka» pa pjesie 9-hadovaha chłopčyka z aŭtyzmam pakažuć u Minsku, paviedamili BiełTA arhanizatary.
Pjesa «Čyhunka» napisana na biełaruskaj movie 9-hadovym Kastusiom Žybulem. Kazka raniej była pryznana adnoj z najlepšych na konkursie tvorčych rabot «Kupalaniaty», jaki pravodziŭ Dziaržaŭny litaraturny muziej Janki Kupały. Premjera śpiektakla pryznačanaja na 2 krasavika ŭ Pałacy kultury vieteranaŭ (11:30, 18:00, Janki Kupały, 21).
Śpiektakl «Čyhunka» — heta druhaja maštabnaja pastanoŭka Siamiejnaha inkluziŭ-teatra «i», u jakoj naroŭni sa zvyčajnymi dziećmi zadziejničany dzieci z aŭtyzmam. U minułym hodzie teatr pastaviŭ miuzikł «Flejta-čaradziejka», jaki pakazaŭ u Minsku i va ŭsich abłasnych centrach Biełarusi. «Sioleta my vyrašyli pajści jašče dalej i ciapier pradstaŭlajem hledačam nie prosta śpiektakl z udziełam asablivych dziaciej, a pastanoŭku, napisanuju dziciom z aŭtyzmam. Bolš za toje, u stvareńni kaściumaŭ, dekaracyj, składańni muzyki aktyŭny ŭdzieł prymali vychavancy studyi, u tym liku dzieci z asablivaściami», — adznačyła mastacki kiraŭnik teatra Iryna Puškarova.
Śpiektakl budzie cikavy jak maleńkim hledačam, tak i ich baćkam. Pastanoŭka raspaviadaje pra siabroŭstva, siamju, dabro i prava na pamyłku.
U «Čyhuncy» šmat inšaskazańniaŭ, adsyłak da viadomych tvoraŭ, u tym liku Janki Maŭra, Karnieja Čukoŭskaha, Luisa Kerała i Uiljama Šekśpira. U pjesie padkreślivajecca ŭnikalnaść kožnaha čałavieka, umieńnie pavažać i prymać asablivaści inšych ludziej.
Na dumku pradstaŭnika kampanii velcom, načalnika adździeła karparatyŭnych kamunikacyj Viačasłava Śmirnova, adoranaje dzicia napisała litaraturnuju asnovu śpiektakla na biełaruskaj movie na vielmi vysokim uzroŭni. Heta jašče raz dakazvaje, što talenavitym moža być kožnaje dzicia, ludzi z aŭtyzmam zdolnyja ździŭlać.
Premjera muzyčnaj kazki-impravizacyi prymierkavana da Suśvietnaha dnia infarmavańnia ab prablemie aŭtyzmu. Pastanoŭka zaklikanaja pryciahnuć šyrokuju ŭvahu da prablemy aŭtyzmu i dać asablivym dzieciam mahčymaść adčuć siabie častkaj hramadstva.
Siamiejny inkluziŭ-teatr «i» stvorany ŭ pačatku 2016 hoda. Jaho zasnavalnikami stali MDHA «Dzieci. Aŭtyzm. Baćki» i kampanija velcom, a padrychtoŭkaj junych akcioraŭ biazvypłatna zaniałasia tvorčaja studyja Iryny Puškarovaj.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary