U amierykanskaha studenta, jakoha KNDR adpuściła paśla 17 miesiacaŭ źniavoleńnia pa abvinavačvańni ŭ kradziažy płakata, znajšli šyrokaje paškodžańnie hałaŭnoha mozhu, paviedamlaje Reuters.
U maładoha čałavieka dyjahnastavali paražeńnie adździełaŭ hałaŭnoha mozhu i «šyrokaje admirańnie jaho tkanak».
22-hadovy Ota Uormbir, jaki prybyŭ u ZŠA ŭ aŭtorak, znachodzicca ŭ stabilnym stanie, ale «nie demanstruje nijakich prykmiet razumieńnia movy» i «razumieńnia, što jaho akružaje», zajaviŭ dyrektar padraździaleńnia nieŭrałohii ŭ miedycynskim centry Univiersiteta Cyncynaci Denieł Kanter.
Pryčynaj paražeńnia mozhu mahło stać kisłarodnaje haładańnie. Na dumku daktaroŭ, jano mahło być vyklikana spynieńniem dychańnia z-za pieradaziroŭki lekami.
U sakaviku 2016 hoda Uormbira, jaki pryjechaŭ u KNDR jak turyst, prysudzili da 15 hadoŭ pazbaŭleńnia voli za sprobu kradziažu prapahandysckaha płakata z haścinicy. Jaho vyzvalili praz hod — voś u takim stanie.
Baćki maładoha čałavieka raniej zajavili, što ich syn hod pravioŭ u komie. Paŭnočnakarejskija ŭłady zajavili, što ŭ Uormbira byŭ dyjahnastavany batulizm, adnak amierykanskija daktary nie paćvierdzili hetuju infarmacyju. Jany taksama nie znajšli ŭ jaho prykmiet traŭmy.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom12
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary