Kažuć, na śviatkavańni stahodździa BNR u Minsku pabyvali 50 tysiač čałaviek.
Nie dziva, kali ŭ takoj ciskaninie vašaje voka nie paśpieła ŭhledzieć usich pryhažuń, jakija pryjšli na śviata.
Ale voś vam chacia b takaja nievialikaja fota-kampiensacyja z sacyjalnych sietak.
Pamiatajcie, što niekatoryja ź ich, jak padajecca, svabodnyja!
#bnr100
A post shared by Timmy (@super.vershnik) on
Ja ŭsim sercam lublu vas i hetuju krainu. Navat u tyja momanty, kali na vulicach spyniajuć za najaŭnaść ściaha ŭ rukach, bo budu lubić jaje luboj. Ja hanarusia tym, što naradziłasia tut. Ja baču, što ludziej z adnolkavymi metami i marami nie tysiačy - miljony. Ja viedaju, što napieradzie nas čakaje šmat pieramoh. Ja adčuvaju, što ŭsio atrymajecca. Što historyja zaraz, pierad vačyma, i jaje stvarajem my. Dryžyki pa skury. Ślozy na vačach. Sercu ŭ hrudziach zanadta ciesna. Dumkam u hałavie taksama. Moža być, časam, zabyvaješsia na heta, i ŭsio zdajecca bieznadziejnym, ale jana žyvie. Dla nas i dziela nas. A my dziela jaje. #BNR100
A post shared by Lesia-Stefanija Michalevic (@lesia_stefanija) on
Viedajecie, čamu ŭsio atrymałasia? Tamu što my vieryli! Zaŭsiody buduć pieramahać tyja, chto vyrazna razumieje, ź jakoj metaj jany heta robiać. My čakali hetaje śviata, my sami nabližali jaho jak mahli. Jašče hod tamu nas pakavali ŭ aŭtazaki, maich blizkich ludziej zatrymlivali, potym byli sudy. Viadoma, i siońnia nie abyšłosia biez zatrymańniaŭ. Ale my damahlisia vializnaha pośpiechu siońnia! Dziakuj usim udzielnikam i arhanizataram mierapryjemstva! My robim historyju. My nie zabylisia pra adnu z najvažniejšych dat u historyi Biełarusi! My zrabili śviata! Kali było abviaščeńnie BNR, ludziam taksama nie było lohka. Jany zmahalisia jak mahli! Viedajcie svaju historyju! Bieražycie jaje! Bieražycie svaju rodnuju ziamlu! Svaju movu! Pamiatajecie svaich prodkaŭ, jakija rabili ŭsio dla vašaj svabody! Ja nie dumała, što zmahu tak praniknucca da hetaj krainy. Ale ja tut. Ja šanuju hetu ziamlu. I imknusia ŭnieści svoj układ dla pośpiechu hetaj krainy, dla svabody. I ŭsie my pavinny razumieć, što kali my chočam pieramienaŭ, my pavinny pačynać ź siabie! Žyvie Biełaruś! Žyvie viečna! #Biełaruś #žyviebiełaruś #dzieńvoli #25sakavika #BNR100 #minsk #ściah #śviata #razam #dzieńniezaležnaści #independentday #freedom
A post shared by Nusya (@nusya_bakradze) on
#bnr100
A post shared by Channa. (@p_a_p_o_v_a) on
Kamientary