Navukoŭcy Univiersiteta Chielsinki (Finlandyja) vyśvietlili, što ŭžyvańnie antybijotykaŭ pavialičvaje ryzyku raźvićcia chvaroby Parkinsana. Pra heta paviedamlajecca ŭ pres-relizie na Medical Xpress.
Pa słovach kiraŭnika navukovaj hrupy Filipa Šepierjansa, najbolš niebiaśpiečnymi mohuć być antybijotyki šyrokaha śpiektru dziejańnia i tyja, jakija prymianiajucca suprać anaerobnych bakteryj i hrybkoŭ.
Śpiecyjalist adznačyŭ, što ŭ bolšaści pacyjentaŭ, jakija pakutujuć ad hetaha nieŭrałahičnaha zachvorvańnia, patałohija moža vyjaŭlacca ŭ kišačniku i papiaredničać uźniknieńniu takich simptomaŭ, jak marudlivaść, tremar i ciahlicavaja ryhidnaść.
U studzieni navukoŭcy z ZŠA i Niderłandaŭ paviedamili, što ŭ chutkaj budučyni śviet budzie achopleny pandemijaj chvaroby Parkinsana z-za demahrafičnaj situacyi i inšych faktaraŭ. Rasstrojstvy niervovaj sistemy źjaŭlajucca adnoj z asnoŭnych pryčyn invalidnaści ŭ sučasnym śviecie, a najbolšaje raspaŭsiudžvańnie za apošnija dziesiacihodździ atrymała chvaroba Parkinsana.
Kamientary