U ambułatoryi Ždanovičaŭ — dva vypadki pnieŭmanij u miedpiersanała. Špitalizavali i ich rodnych
Doktar-terapieŭt i miedycynskaja siastra, jakaja ź joj pracavała, lažać ź pnieŭmanijami. Testy na karanavirus astatnich rabotnikaŭ Ždanovickaj ambułatoryi ŭ Minskim rajonie admoŭnyja.
Jak raskazali «Našaj Nivie» ŭ Ždanovičach, hety vypadak, najchutčej, nie źviazany sa šlejfam sanatoryja «Praleska», raźmieščanaha ŭ tym samym ahraharadku. U ambułatoryi ŭsio pačałosia z chvaroby ŭ siamji, jakaja vyklikała da siabie ŭčastkovuju terapieŭtku. Miedsiastra, chutčej za ŭsio, zaraziłasia ad svajoj kalehi-doktarki.
Heta było jašče ŭ sakaviku, kali ŭłady Biełarusi zaścierahali ad «paniki» vakoł karanavirusa, a hramadstva było mała infarmavanaje pra jaho niebiaśpieku.
Abiedźvie žančyny ciapier lažać u špitalach. U adnoj ź ich chvaroba praciakaje davoli ciažka. Špitalizavali i ich rodnych.
Jak raskazała «Našaj Nivie» rodzička adnaho sa špitalizavanych svajakoŭ, jaho pieravieźli ŭ adnu z balnic Hrodzienskaj vobłaści. Pa jaje infarmacyi, heta adbyłosia tamu, što ŭ miascovych ustanovach nie było svabodnaha miesca.
Ambułatoryja praciahvaje pracu, bo testy astatnich rabotnikaŭ — admoŭnyja. Pa skančeńni 14-dzionnaha pieryjadu jany zdaduć test paŭtorna.
Usiaho ŭ ambułatoryi pracuje para dziasiatkaŭ rabotnikaŭ, heta małaja ŭstanova, jakaja daje tolki samuju bazavuju dapamohu.
Chvorych na pnieŭmaniju žycharoŭ Ždanovičaŭ špitalizujuć u Minskaj rajonnaj balnicy ŭ Baraŭlanach. Viadoma, što pamierłaha rabotnika «Praleski» paśla paćviardžeńnia karanavirusa stul pieraviali ŭ Minskuju infiekcyjnuju balnicu.
Tryvohu vyklikaje situacyja vakoł sanatoryja «Praleska». Paśla śmierci adnaho z techničnych rabotnikaŭ sanatoryja, u jakoha vyjavili karanavirus, stała viadoma pra śmierć i adnaho z pacyjentaŭ, jaki tam adpačyvaŭ. Siońnia pryjšła infarmacyja pra špitalizacyju z karanavirusam dyrektarki škoły z Barysaŭskaha rajona, jakaja prachodziła azdaraŭleńnie ŭ «Pralescy» ŭ siaredzinie sakavika. Prablema ŭ tym, što sanatoryj praciahvaŭ prymać pacyjentaŭ i paśla vyjaŭleńnia tam pieršych chvorych. Bolšaść adpačyvalnikaŭ u «Pralescy» składajuć ludzi ŭ hadach.
Pavodle aficyjnaj infarmacyi, Minskaja vobłaść na trecim miescy paśla Minska i Viciebščyny pa raspaŭsiudžańni COVID-19. U vobłaści virus paćvierdziŭsia ŭ 92 čałaviek, troje pamierli. Viadoma pra hrupy vypadkaŭ u Kapylskim i Minskim rajonach i adzinkavyja vypadki ŭ Vilejcy, Uździenskim, Barysaŭskim, Staŭpieckim rajonach.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna7
Kamientary