Kanapackaja paraŭnała siabie z Babarykam: Ja nie brutalny aleń
Hanna Kanapackaja i rehijanalnyja kaardynatary pavieźli zdavać pieršyja 35 tysiač podpisaŭ za jaje vyłučeńnie. Pra heta pretendentka na prezidenckuju pasadu napisała ŭ svaim fejsbuku.
Pa słovach eks-deputatki, jaje kamanda sabrała bolš za 110 tysiač podpisaŭ. Dla rehistracyi kandydatam u prezidenty patrabujecca minimum 100 tysiač podpisaŭ.
«Pakul bačym, što budzie trochi bolej za 110 000, ale hetaha i dastatkova dla prachodžańnia ŭ nastupny etap. Mnie chapaje. Ja — nie brutalny aleń, jaki patresvaje rossypam z sotniaŭ tysiač podpisaŭ na halinastych rohach, sprabujučy zapałochać imi jašče bolš macioraha. Chacia žyćcio padkidvaje niečakanyja pryjemnyja siurpryzy», — napisała Kanapackaja. Sotni tysiač podpisaŭ abiacaje padać Viktar Babaryka.
Jana zajaviła, što ličyć svaimi paplečnikami tyja palityčnyja siły, «dla jakich biełaruskaja dziaržaŭnaść žyvaja zaŭsiody i nie biarecca pad sumnieńnie, nacyjanalnaja samaśviadomaść — vyšej za ŭsio, a jeŭrapiejskaja samaidentyfikacyja — bazavy žyćciovy pryncyp».
Paśla Kanapackaja znoŭ prajšłasia pa Babaryku:
«A taksama damo adpor paŭzučaj hibrydnaj ahresii reakcyjnych siłaŭ susiedniaj dziaržavy, jakija pad ličynaj «miłaha pana» sprabujuć naviazać nam hazpramaŭskaha staŭleńnika i dziela hetaha chitraściu, padmanam, hrašyma dy sučasnymi infarmacyjnymi technałohijami zaciahnuli ŭ svaje brudnyja palityčnyja intryhi niekatoruju častku kreatyŭnaj i drobnaburžuaznaj prasłojki aktyŭnaha nasielnictva našaj krainy. Pahroza stracić našu dziaržaŭnaść i pieratvarycca ŭ dehradujučy ŭskrajkavy rehijon sastarełaj impieryi — našmat horšy varyjant, jaki nas moh by čakać. Ale hetaha nie budzie!»
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary