U Biełhazprambanku aryštavali rachunak žonki namieśnika ministra finansaŭ Rasii
U ramkach rasśledavańnia kryminalnaj spravy ŭ Biełhazprambanku aryštavali rachunki žonki namieśnika kiraŭnika rasijskaha Minfina Andreja Kruhłova. Pra heta ŭ efiry BT-1 zajaviŭ namieśnik načalnika ŭpraŭleńnia finansavych rasśledavańniaŭ KDK Dźmitryj Dziahileŭ.
Pavodle jaho słoŭ, ciapier na rachunkach žonki Kruhłova ŭ banku znachodziacca srodki na ahulnuju sumu €3 młn.
Śćviardžajecca, što raniej u Biełhazprambanku raźmiaščaŭ srodki i sam Kruhłoŭ, pryčym karystaŭsia redkim instrumientam pazyki ad pryvatnaj asoby. Raniej Kruhłoŭ pracavaŭ u rasijskim «Hazpramie».
Pradstaŭnik KDK dadaŭ, što dla vyśviatleńnia ŭsich abstavin Biełaruś źviarnułasia da Rasii pa pravavuju dapamohu.
Ź siužeta BT niajasna, ci była takaja forma raźmiaščeńnia srodkaŭ parušeńniem dziejnaha zakanadaŭstva i, kali tak, ci parušaŭ jaho klijent banka ci sam bank.
Pravaabaroncy vykazvali zaściarohi, što «sprava Biełhazprambanka» moža być raspačataja dla dyskredytacyi Viktara Babaryki, jaki kinuŭ vyklik Alaksandru Łukašenku na prezidenckich vybarach. Da pachodu Babaryki ŭ palityku pretenzij banku pravaachoŭnyja orhany nie vystaŭlali.
Ciapier čytajuć
Vyzvalenaja 18‑hadovaja palitźniavolenaja Maryja Misiuk4
Vyzvalenaja 18‑hadovaja palitźniavolenaja Maryja Misiuk
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary