Rasijskija krynicy: Praź Minsk pierakidvali hrupy vahnieraŭcaŭ u Afryku, i ŭłady Biełarusi pra toje cudoŭna viedali
Źjavilisia pieršyja reakcyi ŭ Rasii na infarmacyju biełaruskich uładaŭ pra zatrymańnie ŭ krainie 33 rasijskich bajevikoŭ.
Voś što piša telehram-kanał @wargonzo, jaki viadzie blizki da «DNR» eks-žurnalist Lifenews Siamion Piehaŭ.
«Jak stała viadoma prajektu @wargonzo ad krynic u rasijskich śpiecsłužbach, Minsk vykarystoŭvaŭsia vahnieraŭcami jak pieravałačny punkt dla pierakidańnia bajcoŭ u inšyja krainy. Pieravažna afrykanskija.
Naturalna, biełaruskija śpiecsłužby byli zahadzia ŭ kursie i papiaredžanyja, a pa fakcie zabiaśpiečvali spakojny praces u pieryjad pandemii pierakidańnia našych bajcoŭ na ŭschodnija franty. Karanavirusny režym pamiž Biełaruśsiu i inšymi krainami, jak vy sami razumiejecie, značna bolš miakki, čym u vypadku RF.
Damoŭlenaści ab hetym transpartnym kalidory byli dasiahnutyja na samym vysokim uzroŭni, — śćviardžaje kanał. — Ciapier hałoŭnaje pytańnie — navošta było ciapier utykać nož u śpinu susiedu? Z punktu hledžańnia śpiecsłužbaŭ, heta naohuł nie pa-pacansku. Chłopcy i byli ŭ formie — tamu što nie čakali ŭdaru ad svaich i punkt pryznačeńnia ŭ ich byŭ zusim nie Minsk.
Nu i vinavacić ich u namierach arhanizacyi biesparadkaŭ? Tryźnieńnie. Maskva mienš za ŭsio zacikaŭlena, kab u Biełarusi byŭ realizavany ŭkrainski scenar», — piša @wargonzo.
Anałahičnuju viersiju paralelna vykazaŭ siabar Piehava, piśmieńnik Zachar Prylepin, jaki sam byŭ bajevikom na Danbasie i ciesna źviazany z hetym asiarodździem.
«Toje, što try dziasiatki mužykoŭ u kamuflažy źbiralisia ŭ niejki druhi bok, i biełaruskim śpiecsłužbam dobra zrazumieła», — piša jon i pryznaje, što ŭ śpisie jość ludzi, znajomyja jamu pa «DNR».
Miažy miž Biełaruśsiu i Rasijaj niama, pamiežnaha kantrolu taksama. Heta značyć, što rasijskija siłaviki, u pryncypie, mohuć pieramiaščacca pa našaj krainie svabodna i niezaŭvažana. U vypadku patreby jany mohuć dabracca ad miažy da Minska za niekalki hadzin.
Apytanka
-
Statkievič: Kaho nie ŭdałosia zapałochać da stałaha ŭzrostu, taho ŭžo nie zapałochaješ
-
«Dla nas, BNF, vyłučeńnie Šuškieviča było nažom u śpinu». Navumčyk i Statkievič vyśviatlajuć rolu Biełaruskaha zhurtavańnia vajskoŭcaŭ
-
Ihar Karniej: Budzie kamanda — zrobiać usio, kab i z hodam trymać u zakładnikach choć piacihodku, choć bolej
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary