Staršynia Savieta Respubliki Nacyjanalnaha schodu Natalla Kačanava pryjechała ŭ BDU, kab pahutaryć sa studentami na temu hramadska-palityčnaj situacyi va ŭniviersitecie i krainie.
Kanał «Studenckaja dumka» pryvodzić asobnyja cytaty z dyjałohu Kačanavaj sa studentami.
Sustreča pačałasia z abmierkavańnia vynikaŭ vybaraŭ: studenty kažuć pra falsifikacyi i hvałt u dačynieńni da mirnych hramadzian. Kačanava tak vykazałasia pra aficyjnyja vyniki vybaraŭ: «Toje, jak raźmierkavalisia hałasy, — heta praŭda», a «kab być prezidentam krainy, mała havaryć. Prezident pavinien być mocnym palitykam».
U adkaz na pytańni ab mirnych akcyjach Kačanava zajaviła, što hvałt z boku siłavikoŭ niedapuščalny, ale i ludzi nibyta ździajśniajuć niezakonnyja dziejańni, vychodziačy na »tak zvanyja mirnyja maršy». A potym stała pryvodzić prykłady Kyrhyzstana, Ukrainy i Nahornaha Karabacha.
Student spytaŭ u Kačanavaj: «Čamu nichto nie panios adkaznaści za falsifikacyju vybaraŭ?»
Kačanava adkazała: «Fakty falsifikacyi nie ŭstanoŭleny, adkaznaść budzie tady, kali buduć fakty».
Prahučała pytańnie pra zatrymańni, źbićcio i aryšty žurnalistaŭ, jakija aśviatlajuć mirnyja akcyi.
Kačanava zajaviła, što žurnalisty pracavali biez akredytacyi, a paśla paprasiła nie zacyklivacca na hetaj temie: «Niaŭžo ŭ vas niama inšych pytańniaŭ?»
Studenty zadali pytańnie ab pryznańni propuskaŭ z-za administracyjnaha aryštu biespryčynnymi.
Kačanava: «Ja nie viedaju rekamiendacyi Minadukacyi, ale heta pravilnaja rekamiendacyja. Tamu što ŭdzieł u niesankcyjanavanaj akcyi niezakonny. <…> I vy heta viedajecie, ale ŭsio adno praciahvajecie iści».
Kačanava adznačyła: «Pierad vami ŭłada ni ŭ čym nie vinavataja. Jana stvaryła ŭsie ŭmovy, kab vy vučylisia. Kali 75 hadoŭ tamu maja mama dziciom zastałasia siratoj i jany jeli lebiadu i puchli ad hoładu, asnovatvornym było nakarmić vas. <…> I kali maja mama ŭ 89 hadoŭ kaža mnie, što nikoli nie dumała, što pierad śmierciu ŭbačyć vajnu, — heta strašna. I ja budu rabić usio, kab dastukacca da vas».
Paśla student udakładniŭ: «Kali my napišam svaje prośby i pryjdziem da vas, vy ich razhledzicie?»
Kačanava adkazała: «Pišycie, prychodźcie. Moža, ja vam navat kubačak čaju nalju».
Natalla Kačanava pra Łukašenku skazała:
«Ja ŭ Minsku ŭsiaho piać hadoŭ, i kali ja stała pracavać z hetym čałaviekam, ubačyła jaho padychody, jaho kaštoŭnaści, i ja zrazumieła, što tolki hety čałaviek moža być prezidentam».
Na pytańnie pra ekanamičny stan Natalla Kačanava skazała, što ekanamičnaja situacyja ŭ Biełarusi najlepšaja na postsavieckaj prastory. A piensii ŭ nas rastuć, jany «nie žabrackija», i jaje baćki taksama na ich žyvuć.
Student spytaŭ pra armiju pad apładysmienty aŭdytoryi: «Čamu ŭ nas jość pryzyŭ u vojska? U XXI stahodździ abaviazkovy pryzyŭ!»
Natalla Kačanava paryravała: «Mnie zdajecca, takija ludzi, jak vy, pavinny słužyć u vojsku».
Studentka na sustrečy spytała, čamu jaje hramadzianskaja pazicyja niejak adbivajecca na vučobie va ŭniviersitecie?
Adkaz Kačanavaj byŭ takim:
«Kali vy baiciesia, što vas adličać, nie chadzicie na akcyi. Kab nie być adličanaj z univiersiteta, treba dobra vučycca, nie parušać hramadski paradak i nie chadzić na niesankcyjanavanyja akcyi».
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary