Lehkaatlet Niedasiekaŭ pra źbićcio brata Domračavaj: Nu jakaja žorstkaść… Ja prosta nie zachodžu ŭ internet i nie hladžu heta
Baskietbalistka Alena Leŭčanka, adna ź lidaraŭ Svabodnaha abjadnańnia spartoŭcaŭ, paklikała ŭ anłajn-dyskusiju lehkaatleta Maksima Niedasiekava. Razmova adbyvałasia praź instahram i ŭskładniałasia prablemami ŭ internetam.
22-hadovy Niedasiekaŭ — aktyŭny padpisant prałukašenkaŭskaha lista spartsmiena. Adnak chłopiec pryznajecca, što praz maładość jašče nie raźbirajecca ŭ palitycy i hramadskim žyćci.
Pryvodzim jaho cytaty:
— U luboj turmie źbivajuć, u Biełarusi, nie ŭ Biełarusi. Tak nie pavinna być, ale ty z hetym ničoha nie zrobiš.
— Ja padtrymlivaju prezidenta Łukašenku. Ale hvałt nichto nie padtrymlivaje. Čamu, kali ja za Łukašenku, to adrazu kažuć, što padtrymlivaju hvałt?
— [Spartsmieny] vyrašyli pajści pa inšym šlachu, vyrašyli vykazvacca suprać ułady. Kali jany iduć suprać svajho — voś ich i zvolnili.
— (Pra źbićcio brata Domračavaj) Tak, bačyŭ. Ale jakaja roźnica, čyj brat. Žorstkaść? Nu jakaja žorstkaść… Ja prosta nie zachodžu ŭ internet i nie hladžu heta.
— Ja pradstaŭlaju nie narod, a ściah i himn. Ja pradstaŭlaju ludziej, jakija mianie rychtavali. Jość koła ludziej, jakija mianie padtrymlivajuć. Jakija zajmajuć pasady, viaduć mianie da maich dasiahnieńniaŭ. Za hetych ludziej ja budu vystupać.
— Ludiej ž nie chvaluje, što adbyvajecca sa mnoj. Hetaksama mianie nie chvaluje, što adbyvajecca ź imi.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary