Za dva dni my pradali bolš časopisaŭ, čym zvyčajna za miesiac
Sa słovami padziaki da čytačoŭ źviartajecca hałoŭny redaktar časopisaŭ «Naša historyja», «Dudu» i «Aściarožna, dzieci!» Andrej Dyńko.
«Dziakuju ŭsim, chto pryjšoŭ nabyć «Našu historyju», «Dudu» i «Aściarožna, dzieci!». Za dva dni my pradali bolš časopisaŭ, čym zvyčajna za miesiac. U kasavym aparacie skončyŭsia zapas stužki, try razy pazyčali ŭ susiednich kramach, — piša redaktar časopisaŭ Andrej Dyńko. — Heta było pryhoža, stolki salidarnaści ŭ našym narodzie ciapier. U vyniku, nasupierak tym, kaho Janka Kupała nazyvaŭ «vorahami biełaruščyny», u časopisaŭ źjaviacca novyja čytačy, jakija raniej i nie viedali pra ich».
Redakcyja taksama źviartaje ŭvahu jašče dva momanty.
Pieršaje — dla pieramohi lubych kaštoŭnaściej i źbieražeńnia luboj kultury mała razavaha ŭčynku, treba štodzionnaje, štomiesiačnaje, sistemnaje dziejańnie. Kali časopisy buduć dušyć dalej, šukajcie ich štomiesiac. I padpisvajciesia na ich.
«Druhoje — nam treba nie hieraizm, a narmalnaść. Tamu prašu ŭsich praciahvać vysyłać elektronnyja zvaroty da ŭładaŭ, kab časopisy, patrebnyja dla intelektualnaha rostu, viarnuli ŭ «Biełsajuzdruki». U zvarotach tolki pamiatajcie pra karektnaść», — nahadvaje redaktar «Našaj historyi».
Taksama pakidajem pieralik miescaŭ, dzie možna nabyć časopis, kali vy jašče na jaho nie padpisanyja abo nie paśpieli na redakcyjny rasprodaž:
Minsk
- Kniharni «Biełknihi»
- «Rahna» (vuł. Suchaja, 4, mietro «Frunzienskaja»)
- «Akademkniha» (na stancyi mietro «Akademija navuk»)
- Filijał «Akademknihi» na vuł. Bahdanoviča, 46
- Handlovy centr «Kupałaŭski» (pad Kastryčnickaj płoščaj), kramy 41-42 i 44-45
- «Halijafy» (vuł. Niamiha, 3, krama №47 na cokalnym paviersie)
- Knižny kirmaš pa vuł. Daŭmana, 23 (subota 00.00-14.00), miesca 78b
- «Knižnaja šafa» (pr. Dziaržynskaha, 9)
- dy inšyja
Poštaj ci z dastaŭkaj na dom
vy možacie jaho zamović praz Mmkut.by, Kniganosha.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» dy inšyja
Brest
«Iskra», «Aśvieta» dy inšyja
Homiel
«Knižny śviet» (pr. Lenina, 45)
Viciebsk
«Śvietač» (vuł. Kirava, 10) dy inšyja
Mahiloŭ
«Haściniec» (Viciebski praśpiekt, 48) dy inšyja
Babrujsk
«Krynica viedaŭ» (vuł. Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
- «Dom knihi» (vuł. Maładziožnaja, 145)
- «Uschod» (vuł. Kirava, 4)
Pinsk
«Moj modny kut» (vuł. Lenina, 31)
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia5
Kamientary