Śviet

U Hambii hałasujuć za prezidenta nie biuleteniem, a šklanymi šarykami. U hetym jość svaja pryčyna i svoj sens

Za apošnija piać hod u afrykanskaj krainie Hambija adbyłosia šmat demakratyčnych źmienaŭ. Ale sposab abirać prezidenta zastaŭsia starym i dziŭnym. Jak i čamu ludzi hałasujuć za prezidenta šklanymi šarykami, raskazvaje BBC.

Fota: BBC

Bolšaść hambijcaŭ hanaracca svajoj unikalnaj vybarčaj technałohijaj.

Kali 4 śniežnia jany pryjduć na vybarčyja ŭčastki vybirać novaha prezidenta, to nie atrymajuć nijakich biuleteniaŭ. Kožnamu vydaduć pa adnym šklanym šaryku.

Dalej jany padyduć da bočak, kožnaja ź jakich budzie pafarbavanaja ŭ koler partyi adnaho z kandydataŭ, a da bočki budzie prymacavanaja trubka — voś praz hetuju trubku i treba budzie apuścić šaryk u bočku taho kandydata, za jakoha chočacca prahałasavać.

Na vybarach 2016 hoda takich bočak stajała try na kožnym učastku — bo bałatavalisia try kandydaty na post prezidenta.

Kali šaryk padaje ŭ bočku — čuvać adzin udar. Tak kamisija kantraluje, ci nie pasprabavaŭ čałaviek zakinuć jašče adzin šaryk ad siabie.

Fota: BBC

Kali ŭčastki zakryvajucca, šaryki z kožnaj bočki padličvajucca — hetak ža, jak i biuleteni.

Taki sposab hałasavańnia prydumali ŭ Hambii ŭ 1965 hodzie ŭ suviazi ź nizkim uzroŭniem piśmiennaści ŭ krainie.

Były prezident, Jaja Džame, jaki prabyŭ va ŭładzie 22 hady, nieachvotna, ale syšoŭ z pasady ŭ 2016 hodzie. Ciapier adnym sa zdabytkaŭ demakratyi stała i bolšaja kolkaść kandydataŭ na post prezidenta (raniej sensu bałatavacca prosta nie było), a heta značyć, što sam sposab hałasavańnia moža padacca mienš efiektyŭnym i bolš hruvastkim — spatrebicca zanadta šmat bočak na kožnym vybarčym ŭčastku.

Pieršapačatkova svaje kandydatury sioleta vystavili 23 čałavieki — i heta byŭ by kašmar dla vybarčaj sistemy z šarykami i bočkami. Ale ŭ vyniku kolkaść kandydataŭ skaraciłasia da 6 (chtości ličyć, i heta zašmat dla krainy z 2,2 miljona žycharoŭ).

Ciapier u krainie komiki mohuć vyśmiejvać luboha palityka, uklučna z prezidentam, a žurnalisty mohuć kamientavać usio, što chočuć, nie bajučysia, što ich vykraduć, buduć katavać ci navat zabjuć, jak heta rabili ŭ časy prezidenta Džame.

Niekatoryja sa złačynstvaŭ časoŭ Jaja Džame stali viadomyja padčas pracy Kamisii Praŭdy i Prymireńnia, jakaja pracavała ŭ Hambii z 2019 hoda da traŭnia 2021-ha.

Były dyktatar Jaja Džame ciapier znachodzicca ŭ vyhnańni ŭ Ekvataryjalnaj Hviniei, ale navat adtul sprabuje ŭpłyvać na vyniki hałasavańnia.

Chto b ni atrymaŭ najbolej šarykaŭ u hetuju subotu, jon vymušany budzie sutyknucca z hałoŭnym vyklikam apošnich časoŭ dla Hambii — zaniapałaj ekanomikaj.

Hałoŭnaja industryja krainy z nadzvyčaj pryhožymi plažami i bahataj pryrodaj — turyzm, ale za časy pandemii turystaŭ pryjazdžała vielmi mała.

Čamu šviedy jaduć cukierak pa kiłahramie na siamju ŭ tydzień, a zuby ŭ ich adny z najlepšych u Jeŭropie

«Sucelnaja pakuta». Japoncy rady novaj chvali kavidu, bo nie treba iści na karparatyŭ z bosam

Kamientary

Ciapier čytajuć

Ihar Tur patraciŭ minimum 30 tysiač na premijalnuju kuchniu FOTA6

Ihar Tur patraciŭ minimum 30 tysiač na premijalnuju kuchniu FOTA

Usie naviny →
Usie naviny

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT65

Pamierła Iryna Jaskievič

«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»198

Biełarusy dzielacca videazapisami pralotaŭ rasijskich bieśpiłotnikaŭ10

U Babrujskim rajonie adšukali dva dvuchsothadovyja duby-vołaty1

U niebie nad Kijevam upieršyniu z 2022 hoda źjaviŭsia cyvilny transpartny samalot1

«Nie dla taho pracuju, kab tysiačami dalaraŭ raskidvacca». Biełaruska ŭ Polščy praz sud sprabuje viarnuć zakład za kvateru9

Ceny na kavu i apielsinavy sok u ZŠA ŭźlaciać da niabiosaŭ z-za mytaŭ5

bolš čytanych navin
bolš łajkanych navin

Ihar Tur patraciŭ minimum 30 tysiač na premijalnuju kuchniu FOTA6

Ihar Tur patraciŭ minimum 30 tysiač na premijalnuju kuchniu FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić