Siońnia sud abviaściŭ pryhavor fihurantam «cukrovaj spravy».
Samy vialiki termin u byłoha dyrektara Haradziejskaha zavoda: Michaił Kryštapovič atrymaŭ 13 hadoŭ turmy. Mikałaj Prudnik (Słucki zavod), Dźmitryj Jahoraŭ (Skidzielski), Viktar Mironaŭ asudžanyja na 11 hadoŭ, Anatol Hładki (Žabinkaŭski) — 8 hadoŭ.
Biznesoviec z Maskvy Siarhiej Kananienka atrymaŭ 7 hadoŭ, eks-kiraŭnik Biełaruskaj cukrovaj kampanii (Maskva) Dźmitryj Kiryłaŭ — 7,5 hadoŭ, paviedamlaje «Sputnik».
Sud taksama pastanaviŭ spahnać z častki abvinavačanych bolš za 11 młn rubloŭ (kala $ 4,4 młn).
Usim dziesiaci fihurantam spravy, jakuju raniej rasśledavała KDB, byli vystaŭlenyja abvinavačvańni ŭ atrymańni, dačy chabaraŭ, a taksama ŭ pasiarednictvie pry atrymańni chabaraŭ. Rasśledavańnie doŭžyłasia bolš za hod.
Pra cukrovuju spravu stała viadoma na pačatku minułaha hoda, kali 24 studzienia 2020 hoda ŭ niebie nad Polščaj raźviarnuli samalot «Biełavija», što lacieŭ ź Minska ŭ Miunchien. Samalot pasadzili ŭ Hrodnie, hetym rejsam Michaił Kryštapovič lacieŭ u adpačynak. Praź niekalki dzion stała viadoma, što zatrymali dyrektaraŭ astatnich čatyroch biełaruskich cukrovych zavodaŭ.
BT pakazała film pra «cukrovuju spravu». U čym abvinavačvajuć dyrektaraŭ?
KDB adpuściŭ hałoŭnaha zmahara sa złodziejami ŭ zakonie Uładzimira Cichiniu pad padpisku ab niavyjeździe
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary