Łukašenka raskrytykavaŭ eks-ministra Karajeva za vybačeńni pierad paciarpiełymi padčas pratestaŭ 2020 hoda
Alaksandr Łukašenka śćviardžaje, što prabačeńni eks-ministra ŭnutranych spraŭ Juryja Karajeva pierad vypadkovymi ludźmi, što paciarpieli padčas pratestaŭ paśla vybaraŭ 2020 hoda, nie byli ź im uzhodnienyja, i vybačacca nie było patreby.
Pra heta jon zajaviŭ padčas intervju z rasijskim televiadučym Uładzimiram Sałaŭjovym, piša Zerkalo.io.
— [Karajeŭ] pačaŭ prasić prabačeńnia. Sa mnoj nie było ŭzhodniena. Vybačacca nie było za što. Tak, jon vystupiŭ: «Ja hatovy ŭziać na siabie…», a nie treba ničoha brać na siabie! Nie treba, kali ty nie vinavaty! I nie treba paturać im. Było b jak u Kazachstanie.
— Voś jakoje staŭleńnie Łukašenki. (…). Ličyć prymianieńnie siły, jakoje było, całkam apraŭdanym — prakamientavaŭ Uładzimir Sałaŭjoŭ.
13 žniŭnia 2020 hoda tahačasny ministr unutranych spraŭ Biełarusi Juryj Karajeŭ u efiry telekanała ANT vybačyŭsia za traŭmy vypadkovych ludziej na vuličnych akcyjach pratestu.
— Pry luboj masavaj sutyčcy, pry spynieńni hrupavych abo masavych parušeńniaŭ hramadskaha paradku atrymlivajecca tak, što ŭździejničajuć na tych, chto śpiecyjalna na heta išoŭ, i na tych, chto apynuŭsia pobač, nie syšoŭ svoječasova, nie zdoleŭ adskočyć. Voś za hetych ludziej, tych, kamu dastałasia, ja jak kamandzir chaču ŭziać na siabie adkaznaść i paprasić prabačeńnia čysta pa-čałaviečy pierad hetymi ludźmi, — zajaviŭ tady Karajeŭ.
Akramia taho Karajeŭ u tym intervju paabiacaŭ jak maha chutčej adpuścić vypadkova zatrymanych mirnych ludziej.
Na siońniašni dzień nieviadoma ab nivodnaj kryminalnaj spravie, jakaja b była zaviedziena za hvałt u dačynieńni da ŭdzielnikaŭ masavych pratestaŭ 2020 hoda.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary