Recept na vychadnyja. Niezvyčajnyja jajki pa-šatłandsku — dobry vybar i dla viačery, i dla piknika
Pačynajem siezon viasieńnich piknikoŭ! Dla ich patrebnyja adpaviednyja stravy — tyja, što zručna jeści rukami ci ź minimumam pryboraŭ. Jajki pa-šatłandsku — akurat adna z takich straŭ. Jany vartyja namahańniaŭ dla admysłovaha pačastunku na pikniku.
Fota: BBC Food
Kab pryhatavać jajki pa-šatłandsku, vam spatrebicca:
- 4 vialikija jajki + jajka luboha pamieru (jaho treba budzie ŭźbić)
- 275 hramaŭ faršu
- čajnaja łyžka čaboru
- stałovaja łyžka pakryšanaj piatruški
- adzin drobna pakryšany parastak zialonaj cybuli
- sol i śviežamołaty čorny pierac
- 125 hramaŭ muki (dobra prypraŭcie jaje sollu i śviežamołatym čornym piercam)
- 125 hramaŭ panirovačnych sucharoŭ
- alej dla smažańnia
- Pakładzicie jajki ŭ rondal z padsolenaj chałodnaj vadoj.
- Pastaŭcie jaho na vialiki ahoń i daviadzicie da kipieńnia, potym źniźcie ahoń i varycie jajki roŭna dzieviać chvilin.
- Vylicie vadu i astudzicie jajki pad chałodnaj vadoj z-pad krana, zdymicie ź ich škarłupinu.
- Źmiašajcie farš z čaboram, piatruškaj i cybulaj, dobra prypraŭcie sollu i piercam — lepiej nie škadavać piercu.
- Raździalicie farš na čatyry častki i raskačajcie kožnuju ź ich na čystaj pavierchni ŭ avał daŭžynioj prykładna 12,5 sm i šyrynioj 7,5 sm.
- Pakładzicie muku z sollu i piercam u talerku, potym absypcie hetaj sumieśsiu kožnaje jajka.
- Pakładzicie kožnaje jajka ŭ avał z faršu, abharnicie jajki faršam. Sačycie za tym, kab jajki byli całkam pakrytyja miasam i kab ich pavierchnia była hładkaja.
- Akunicie kožnaje jajka, pakrytaje miasam, va ŭźbitaje jajka, potym ščylna absypcie jaho sucharami.
- Razahravajcie alej u ciažkaj patelni z toŭstym dnom da taho momantu, pakul suchary nie pačnuć šypieć i prymać karyčnievy koler, kali ich drobka trapić na patelniu. Budźcie ŭvažlivyja, bo haračy alej moža być niebiaśpiečnym, i nie pakidajcie patelniu biez nahladu.
- Aściarožna pakładzicie kožnaje jajka na patelniu. Smažcie ich u alei 8-10 chvilin, pakul katlety nie stanuć załatymi i chrustkimi i pakul farš całkam nie pryhatujecca.
- Akuratna zdymicie katlety z patelni z dapamohaj šumoŭki, vysušycie ich na papiarovym ručniku.
- Padavajcie jajki pa-šatłandsku chałodnymi.
«Našu Nivu» finansujuć jaje čytačy — padtrymać prosta
Čytajcie taksama:
Recept na vychodnyja: šakaładnaje piačeńnie z apielsinam
Recept na vychodnyja: dorsecki jabłyčny piroh
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary