Dziaŭčyna ź Lidy zdała na 100 bałaŭ CT pa ŭsich troch pradmietach
Vypusknica Lidskaj siaredniaj škoły №8 Anastasija Bildź zdavała na centralizavanym testavańni biełaruskuju movu, matematyku i fiziku. I pa ŭsich troch pradmietach atrymała maksimalnyja 100 bałaŭ, paviedamlaje Ministerstva adukacyi.
Anastasija Bildź była vydatnicaj u škole, siaredni bał jaje atestata — 10. Adnak vynik, pakazany na CT, ździviŭ i jaje:
«Apošni vynik (100 bałaŭ pa fizicy) staŭ sapraŭdy radasnym dla mianie, — havoryć Anastasija. — Nie sumniavałasia ŭ sabie, tamu što išła da svajoj mary metanakiravana, pastajanna ŭdzielničała ŭ alimpijadach pa matematycy, tamu viedy pa hetym pradmiecie byli hruntoŭnyja. Navat rychtavacca nie pryjšłosia. A voś na dadatkovyja zaniatki pa biełaruskaj movie chadziła. Pierad zdačaj CT całkam vyklučyła chvalavańnie i zasiarodziłasia na zadańniach».
Pastupać dziaŭčyna źbirajecca ŭ BDUIR, bo choča zajmacca infarmacyjnymi technałohijami i prahramavańniem.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary