Usiaho patrochu

U anhlijskija zapaviednyja lasy zapuścili zubroŭ. Jany treba, kab les byŭ zdaraviejšy

U lesie anhlijskaha hrafstva Kient vypuścili zubroŭ, kab pasprabavać adnavić naturalnuju faŭnu i fłoru zapaviednika, piša Bi-bi-si.

Fota: Tom Cawdron

Reč u tym, što zubry valać asobnyja drevy, kali trucca pra ich bakami, abo jaduć karu, takim čynam vyzvalajučy miesca dla inšych vidaŭ i zabiaśpiečvajučy les nieabchodnaj dla jaho ekasistemy miortvaj draŭninaj.

Prajekt koštam u paŭtara miljona funtaŭ sterlinhaŭ (kala $1,7 młn) inicyjavali dva miascovyja fondy achovy dzikaj pryrody —Kent Wildlife Trust i Wildwood Trust. Ekśpierymient z zubrami vyrašyli pravodzić u zapaviedniku Uest-blin i Tornden-Vuds na paŭdniovym uschodzie Vialikabrytanii, jaki składaje dla ekołahaŭ asablivuju navukovuju cikavaść.

Dla asimilacyi zubroŭ, jakich u Brytanii dahetul možna było pabačyć tolki ŭ zaaparkach, u Kiencie stvaryli śpiecyjalnuju słužbu jehieraŭ, jakija padrychtavali zapaviednik da prybyćcia novych žycharoŭ i buduć sačyć za statkam z čatyroch žyviolin.

Adzin z hetych jehieraŭ, Tom Hibs, jaki raniej pracavaŭ u fondzie achovy dzikaj pryrody Herts and Middlesex Wildlife Trust, zajaviŭ Bi-bi-si, što vielmi rady ŭdzielničać u hetym prajekcie.

«Viartańnie ŭ pryrodu takich dzikich vidaŭ, jak zubry, — heta ekałahičny padychod, kali pryroda sama moža ŭziać na siabie inicyjatyvu i adnavić dehradavanyja ekasistemy dy stračanyja vidy», — kaža jon.

Fondy, jakija inicyjavali prajekt, majuć namier zatym vypuścić u hetym ža zapaviedniku eksmurskich poni (taksama ličacca pahražalnym vyhladam) i tak zvanych śviniej žaleznaha vieku (hibrydnyja parody śviniej vializnaha pamieru, jakija atrymlivajucca pry skryžavańni chatnich i dzikich žyvioł). U hetym ža śpisie patencyjnych nasielnikaŭ zapaviednika — i łonhchorny (paroda bujnoj rahataj žyvioły z charakternymi, vielmi doŭhimi rahami). Pa słovach navukoŭcaŭ, hetyja žyvioły dapoŭniać naturalnaje asiarodździe pražyvańnia zubroŭ. 

Kamientary

Ciapier čytajuć

Pavietranaja himnastka pakazała zakuliśsie pracy ŭ Biełdziaržcyrku5

Pavietranaja himnastka pakazała zakuliśsie pracy ŭ Biełdziaržcyrku

Usie naviny →
Usie naviny

Intraviert, ekstraviert… atraviert? Psichijatr prapanuje novy typ asoby5

Niamiecki dypłamat: Pucin pieramoh na pieramovach z Trampam3

Tramp zajaviŭ, što zaraz damoŭlenaść pa Ukrainie zaležyć ad Zialenskaha5

Tramp paraiŭ Ukrainie zhadžacca na ździełku z Rasijaj. Na jakuju — nie raspavioŭ4

Pucin i Tramp skončyli pieramovy. Tramp zajaviŭ, što ździełki pakul niama10

Na Hrodzienščynie pabačyli niezvyčajnaha busła. Nie bieły i nie čorny, a šery FOTAFAKT4

Renavacyja nie pa-rasijsku: chruščoŭki ŭ Minsku znosić nie płanujuć5

Pieramovy pamiž Trampam i Pucinym pačalisia7

Tramp sustreŭ Pucina ŭ aeraporcie9

bolš čytanych navin
bolš łajkanych navin

Pavietranaja himnastka pakazała zakuliśsie pracy ŭ Biełdziaržcyrku5

Pavietranaja himnastka pakazała zakuliśsie pracy ŭ Biełdziaržcyrku

Hałoŭnaje
Usie naviny →

Zaŭvaha:

 

 

 

 

Zakryć Paviedamić