Pamior 64‑hadovy rasijski palitviazień Aleh Tyryškin. Jaho asudzili na 2 hady za kamientar u «Vkontaktie». Pra śmierć Tyryškina paviedamili vydańniu RusNews aktyvisty, jakija pierapisvalisia sa źniavolenymi, piša The Insider.
Jak paviedamlajecca, pryčynaj śmierci Aleha Tyryškina stali prablemy z sercam. Dzie mienavita jon znachodziŭsia ŭ momant śmierci, dakładna nieviadoma: mierkavana ŭ Kiemieraŭskaj vobłaści, adnak mužčyna moh być i na etapie.
Alehu Tyryškinu było 64 hady. Jon byŭ šachcioram z Kuzbasa i raniej zajmaŭsia prafsajuznaj dziejnaściu. U śniežni 2024 hoda mužčynu asudzili na dva hady kałonii ahulnaha režymu pa artykule ab «publičnym apraŭdańni teraryzmu». Padstavaj staŭ kamientar u «Vkontaktie» ab hibieli Achmata Kadyrava, baćki ciapierašniaha kiraŭnika Čačni Ramzana Kadyrava, u 2004 hodzie. Termin jon pavinien byŭ adbyvać da śniežnia 2026 hoda.
Sam Tyryškin vinu nie pryznavaŭ i śćviardžaŭ, što jahonyja słovy byli emacyjnymi i nie ŭtrymlivali zaklikaŭ da hvałtu. Sud na im prachodziŭ u zakrytym režymie, a słuchańni nieadnarazova pieranosilisia, u tym liku praz drennaje zdaroŭje padsudnaha.
U 2025 hodzie apielacyjny sud pakinuŭ prysud jamu bieź źmienaŭ, niahledziačy na skarhi ab paharšeńni samaadčuvańnia. Paviedamlałasia, što ŭ Tyryškina byli surjoznyja prablemy sa zdaroŭjem, u tym liku kista hałaŭnoha mozhu.
Heta ŭžo treciaja viadomaja śmierć palitviaźnia ŭ Rasii za krasavik. Pierad tym 8 krasavika ŭ SIZA Kamsamolska-na-Amury skončyŭ žyćcio samahubstvam 53‑hadovy mastak Andrej Akuzin, aryštavany z-za kamientara ŭ internecie. A 17 krasavika stała viadoma pra śmierć u kałonii ŭ Varoniežy 43‑hadovaha palitviaźnia, prapaviednika i błohiera Viehana Chrystaluba Božaha. Pryčyny jaho śmierci aficyjna nie nazyvalisia.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary