Bialacki: Sankcyi zdymać nie para, pakul idzie vajna i praciahvajucca represii
Nobieleŭski łaŭreat i były palitźniavoleny Aleś Bialacki pravioŭ sustreču ź biełarusami ŭ Vilni. Sabrałasia poŭnaja zała, pavodle acenak, pryjšli jaho pasłuchać bolš za 150 čałaviek.
Siarod pytańniaŭ, jakija byli zadadzienyja Alesiu Bialackamu, było pytańnie pra sankcyi, nakładzienyja na režym Łukašenki za roznyja praviny z 2020 hoda. Moža, ich para ŭžo zdymać? Ale Bialacki nie ličyć, što hety čas akurat ciapier užo nastaŭ:
«Sankcyi — heta toj ryčah, na jaki ŭłady źviartajuć uvahu. Heta adzinaje, što prymusiła ich adpuścić nas.
Łukašenku absalutna ŭsio roŭna, kolki čałaviek siadzić, maralna jon narmalna siabie adčuvaje, čałaviek z peŭnymi sadysckimi schilnaściami. Siadzić čałaviek, mučajecca — nu i narmalna. Jamu, naadvarot, heta padabajecca, łović ad hetaha niejki kajf.
Tamu sankcyi — heta narmalny ryčah, jaki vymušaje biełaruskija ŭłady iści na hetyja pieramovy. I admianiać hetyja sankcyi jašče rana. Pa-pieršaje, jašče nie skončyłasia vajna z Ukrainaj, i Biełaruś aktyŭna ŭdzielničaje ŭ hetaj vajnie. Pa-druhoje, tamu što nie spynilisia represii.
Pa-treciaje, my zaraz tudy viarnucca nie možam, bo tam vypalenaja ziamla.
Ty vierniešsia, i zaŭtra znoŭ pajedzieš tudy, kudy Statkieviča adpraŭlali paśla taho, jak jon admoviŭsia vyjazdžać.
Tamu nam treba dabivacca šyrokich źmienaŭ, jakija dazvolili b razradzić situacyju i viarnucca i hramadskim aktyvistam, i žurnalistam, i hramadskim arhanizacyjam — usim tym, chto choča. Voś heta naša zadača».
Taksama jon adznačyŭ, što Nobieleŭskaja premija miru, jakuju jon atrymaŭ u 2022 hodzie, nasamreč naležyć nie jamu asabista, a ŭsim biełarusam, jakija zmahajucca za demakratyčnyja pieramieny.
«Ja budu imknucca, što ja zaraz i rablu, vykarystać jaje dla źbirańnia padtrymki i demakratyčnych sił biełarusaŭ, i budučych demakratyčnych źmienaŭ, u jakija ja vieru».
Aleś Bialacki sustreŭsia z prezidentam Polščy Karalem Naŭrockim
Pravaabarončy centr «Viasna» adkryŭ dadatkovy ofis u Varšavie
Bialacki: «Treba vydavać knihi na biełaruskaj movie. Pa-rusku knihi treba vydavać u Rasii». Fiaduta aburyŭsia
Bialacki raskazaŭ pra adziny list ad dziaržorhanaŭ, dzie jamu paviedamili pra Nobieleŭskuju premiju — ad padatkovaj
Bialacki: Usia Biełaruś — vialikaja turma
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary