Rasijanin padpaliŭ siabie na znak pratestu suprać mabilizacyi, u jaho dyjahnastavali 90% apiokaŭ cieła
«Novaja hazieta» publikuje videa, na jakim bačna, jak čałaviek vychodzić na placoŭku, dzie spyniajucca aŭtobusy, i ablivaje siabie z płastykavaj butelki niejkaj haručaj vadkaściu.
Nadzvyčajnaje zdareńnie adbyłosia ŭ niadzielu, 25 vieraśnia, u Razani na aŭtavakzale «Centralny» kala 15-j hadziny. Małady mužčyna padpaliŭ siabie.
Na zapisie vyrazna vidać, jak chłopiec u lohkaj nie pa nadvorji vopratcy vychodzić za miežy płatformaŭ — na placoŭku, dzie spyniajucca aŭtobusy. Tut jon čymści abliŭ siabie z hałavoj z płastykavaj butelki i ŭspychnuŭ. Pry hetym chłopiec kryknuŭ: «Ja nie chaču na front».
Krynica ŭ ekstrannych słužbach paviedamiła, što papiarednie ŭ mužčyny apiok 90% pavierchni cieła. Jaho zabrała reanimacyjnaja bryhada. U špitali paciarpiełaha adrazu ž źmiaścili ŭ śpiecyjalny boks z padačaj kisłarodu.
Kamientary