Minhandlu pryznała niezakonnym płatnaje viartańnie tavaru na Wildberries
U Ministerstvie antymanapolnaha rehulavańnia i handlu rastłumačyli, što płata za viartańnie kožnaha tavaru, jaki nie padyšoŭ pakupniku, ŭ kramie Wildberries, niezakonnaja.
U viedamstvie adznačyli, što srodki za tavar naležnaj jakaści pavinny być viernutyja ŭ poŭnym abjomie nie paźniej, čym praź siem dzion z momantu kupli. Hetaje patrabavańnie tyčycca ŭsich kram, i Wildberries — nie vyklučeńnie.
«Patrabavańnie ŭ spažyŭca apłaty za dastaŭku viernutaha tavaru na skład maje prykmiety naviazvańnia spažyŭcu płatnych dadatkovych pasłuh, jakija jon nie zamaŭlaŭ i jakija pavodle zakanadaŭstva spažyviec nie abaviazany apłačvać», — dadali va ŭstanovie.
U vyniku internet-krama vykanała pradpisańnie Ministerstva — płatnaje viartańnie admieniena.
Kamientary