Kaliści hulali ŭ Super Mario? Chutčej za ŭsio, vy rabili heta niapravilna
Amal usie dzieci 80—90-ch prajšli praz Super Mario Bros., ale mała chto viedaŭ pra adnu detal.
Aryhinalny Super Mario Bros. — adna z samych viadomych kampjutarnych hulniaŭ u śviecie. Simpatyčny italjanski vodapravodčyk namahajecca vyratavać svaju kachanuju pryncesu. Na šlachu da jaje, aproč nieźličonaj kolkaści vorahaŭ, jašče niama mahčymaści zachoŭvać hulniu. Kali buduć vykarystanyja ŭsie žyćci, hulnia skončycca. I pryjdziecca znoŭ pačynać z nula — na ŭzroŭni 1-1, navat kali apošniaje treciaje žyćcio było zhublena na ŭzroŭni 8-4. Prynamsi, tak my dumali ŭ dziacinstvie.
Miljony dziaciej hulali ŭ Super Mario Bros. pa hetych praviłach, i miljony zasmučalisia z-za paražeńniaŭ. Ale akazałasia, što nie było nieabchodnaści paŭtarać usiu hulniu kožny raz, kali vy prajhravali, piša Lifehacker.
Z 1985 hoda i dahetul vy mahli pierazapuścić uzrovień, u jakim zahinuli, niezaležna ad taho, kolki «hiejmovieraŭ» u vas było.
Hety truk pracuje ź luboj viersijaj aryhinalnaj hulni Super Mario Bros., tak što vy možacie pasprabavać heta sami. Nastupny raz, kali stracicie ŭsie žyćci, dazvolcie hulni viarnucca da hałoŭnaha ekrana. Utrymlivajcie nacisnutaj knopku A, zatym naciśnicie Start — hulnia pierazapuścicca na pieršym uzroŭni apošniaha śvietu, u jakim vy zahinuli, a nie pačniecca z uzroŭniu 1-1.
Heta aznačaje, što kali vy «zahinuli», naprykład, u cviecie 7-3, vy pačniacie z 7-1.
-
U harach Bałharyi za tydzień znajšli šeść trupaŭ. Miarkujuć, što troje zabili inšych traich. Ale chto tady zabiŭ ich samich?
-
Zorny biełaruski akcior Ihar Sihoŭ pajšoŭ u kiroŭcy aŭtobusa. Kaža, što heta lepš, čym u taksi
-
Mužčyna vyžyŭ paśla žudasnaha napadu akuły na Karybach. Jon padzialiŭsia, što ź im było
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary