Hramadstva77

Dziaržaŭnyja prapahandysty raskazali pra žančynu, jakuju Łukašenka nibyta «praktyčna vyciahnuŭ z morha»

Padčas razmovy ź ministram achovy zdaroŭja 5 śniežnia Alaksandr Łukašenka raskazaŭ pra biełarusku, jakaja «pavolna pamirała na ŠVŁ u Škłoŭskim rajonie». Palityk adznačyŭ, što jaje ŭdałosia vyratavać tolki paśla jaho asabistaha ŭmiašańnia. Ciapier telekanał ANT raspavioŭ historyju toj žančyny, piša «Zierkało».

Paviedamlajecca, što ŭ vieraśni 53-hadovuju žančynu lačyli ad kavidu ŭ balnicy Škłova, a ŭ listapadzie praapieryravali z nahody vostraha apiendycytu. Paśla hetaha žančyna znachodziłasia ŭ adździaleńniach chirurhii i reanimacyi, ale paśla jaje stan pačaŭ paharšacca.

«Stan pahoršyŭsia, tamu što infiekcyja i ahulny stan arhanizma, jaki mieŭsia, byli davoli składanyja dla lačeńnia va ŭmovach Škłoŭskaj rajonnaj balnicy», — raspavioŭ načalnik Hałoŭnaha ŭpraŭleńnia pa achovie zdaroŭja Mahiloŭskaha abłvykankama Alaksandr Staravojtaŭ.

U Škłoŭ tady prybyli kansultanty, acanili mahčymaści transparciroŭki i stan pacyjentki. I tolki paśla hetaha vyrašyli — treba adpraŭlać u Mahiloŭ. Tak biełaruska i apynułasia ŭ reanimacyi abłasnoj balnicy.

Pa słovach zahadčyka adździaleńnia aniestezijałohii i reanimacyi Mahiloŭskaj abłasnoj kliničnaj balnicy Valeryja Piačerskaha, u pracesie lačeńnia i kansultacyi sa śpiecyjalistami ź Minska lekaram udałosia źniać jaje z ŠVŁ, ale pakul žančyna zastajecca słabaj. Jaje stan — ciažki stabilny.

Napiaredadni Łukašenka raspavioŭ historyju pra žančynu, jakaja trapiła ŭ balnicu ŭ Škłoŭskim rajonie i, pa jaho słovach, znachodziłasia pry śmierci. Palityk adznačyŭ, što jaje ŭdałosia vyratavać tolki paśla jaho asabistaha ŭmiašańnia.

«Znachodziačysia čarhovy raz u vioscy, pracuju tam, [čuju] — pa vioscy biažyć mužyk i kryčyć hołasna, vymaŭlajučy majo imia i imia pa baćku. Ja kažu: «Pahladzicie, što čałaviek choča». Padyšli da jaho, pieradajuć list: «Alaksandr Ryhoravič, ratujcie ci to maju žonku, ci to žančynu — usio adno, čałavieka». Dzie? Što? U škłoŭskaj balnicy. Jak ja zaraz kažu, praktyčna ŭ morhu, apošnija chviliny žyvie.

Naturalna, ja nie moh nie adreahavać. Pasłaŭ tudy svajho lekara, pryjazdžajuć: «Tak, prahnoz niesuciašalny. Faktyčna pamierła». Ja kažu: «Zajmajciesia». Pieravieźli ŭ Mahiloŭ. Kožny faktyčna viečar mnie dakładvali stan čałavieka — asacyjalnaha čałavieka, ale čałavieka», — skazaŭ Łukašenka.

Kamientary7

  • Hryška
    07.12.2022
    Praktyčna vyciahnuŭ z morha? Ja ździŭleny, što Łukašenka nie zaciahnuŭ jaje ŭ turmu.
  • #*
    07.12.2022
    Značit vrači Škłovskij bolnicy ostavili umirať tak kak sdiełali vsio čto smohli no vmiešałsia priezidient i nie dał umierieť? Možiet jemu łučšie hłavvračom rabotať? I nie davať vozmožnosti umirať tiažieło bolnym pacijentam? A možiet vrači dołžny spasať ludiej a nie priezidient? Biez ukazki s vierchu ničieho nie rabotajet? A počiemu on nie vsiom na pomoŝ prichodit? A možiet Marvieł ošibsia i jemu nužien naš supierhieroj? Eta istorija nie hovorit o spasienii, ona hovorit o problemie! Spaśli čiełovieka, eto chorošo!
  • Bienia
    07.12.2022
    V Efiopii zadieržali mužčinu, kotoryj nazyvał siebia prorokom i pytałsia voskriesiť miertvoho...

Ciapier čytajuć

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam20

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam

Usie naviny →
Usie naviny

Kity, karabiel-pryvid i čyrvonaje śviatło: biełarus pierasiok Atłantyku pad vietraziem3

Kolkaść mašyn na polskaj miažy pieravaliła za 3500 — heta rekord6

Sustreča Trampa i Pucina pačniecca a 22-j hadzinie

Tolki 1% tych, chto vyžyŭ paśla Chirasimy i Nahasaki, paśla pamierli ad rakavych chvarob, vyklikanych radyjacyjaj9

«Nioman» urvaŭ pieramohu ŭ «Kłakśvika» pa pienalci i prabiŭsia ŭ płej-of kvalifikacyi Lihi kanfierencyj13

Praryŭ rasijan kala Dabrapolla: ci sapraŭdy USU ŭdałosia niejtralizavać pahrozu2

Tramp spadziajecca na dobruju sustreču z Pucinym, ale nie ličyć jaje samaj važnaj5

Kitajec sprabavaŭ pierasłać z ZŠA ŭ škarpetkach bolš za 850 čarapach

Kazachstan upieršyniu abyšoŭ Rasiju pa VUP na dušu nasielnictva7

bolš čytanych navin
bolš łajkanych navin

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam20

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić