Śpiłbierh zdymie mini-sieryjał pra Napaleona pa scenaryi Stenli Kubryka
Viadomy režysior Styvien Śpiłbierh rychtujecca źniać sieryjał pra Napaleona: u asnovu prajekta zakładzieny scenaryj Stenli Kubryka. Anons novaha prajekta režysiora prahučaŭ padčas pres-kanfierencyi na fiestyvali «Bierlinale», dzie Śpiłbierh atrymaŭ «Załatoha miadźviedzia» za vialiki ŭkład u kiniematohraf.
Akazałasia, što ciapier režysior pracuje nad mini-sieryjałam pra žyćcio Napaleona Banaparta, jaki Kubryk zadumaŭ jašče ŭ dalokija 60-ja hady.
Za «ŭvaskrašeńnie» prajekta, stvoranaha na asnovie histaryčnych śviedčańniaŭ i archivaŭ, Śpiłbierh uziaŭsia 10 hadoŭ tamu. Pa słovach režysiora, jon arhanizavaŭ «maštabny pradakšn» i tolki paśla hetaha sprava zrušyłasia ź miortvaj kropki.
Sieryjał pra francuzskaha impieratara i zavajoŭnika budzie składacca ź siami sieryj i vyjdzie na płatformie HBO.
Tvorčaść Stenli Kubryka nie raz pryciahvała Śpiłbierha i raniej. Tak, režysior u svoj čas uvasobiŭ inšuju zadumu kalehi — «Štučny rozum». Hety film vyjšaŭ u śviet u 2001 hodzie, praz dva hady paśla śmierci Kubryka.
Čytajcie taksama:
«Fabielmany»: aŭtabijahrafičnaja stužka Śpiłbierha, adna z samych kranalnych u jaho karjery
Śpiłbierh, Batler, Błanšet. U ZŠA prajšło ŭručeńnie premii «Załaty hłobus»
Top kultavych antyvajennych stužak, kab nahadać sabie, nakolki kaštoŭny mir
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary