Stryžak: Meta nie budzie vydalać kvitancyi, bačnyja ŭ historyi płaciažoŭ Facebook Pay. Što ciapier rabić?
Zasnavalnik fondu BYSOL Andrej Stryžak apublikavaŭ u fejsbuku skrynšoty z adkazu pradstaŭnikoŭ kampanii Meta, jakija atrymaŭ adzin z donaraŭ BYSOL / BY_help. Pavodle hetaha adkazu, kampanija nie hatovaja ŭvajści ŭ situacyju ludziej, jakija ciapier padviarhajucca represijam z boku režymu Łukašenki za toje, što prajaŭlali salidarnaść ź jaho achviarami.
«Mahčymaść dostupu da kvitancyj ab achviaravańniach źjaŭlajecca klučavoj funkcyjaj praduktu Meta Pay i nieabchodnaja ŭ adpaviednaści z pałažeńniami i ŭmovami płatformy», — havorycca ŭ adkazie pradstaŭnika Meta.
«Na padstavie hetych danych siłaviki atrymlivajuć śviedčańnie, što danat z vašaha akaŭnta išoŭ na hramadska-palityčnyja fandrejziery, a nie na «kocikaŭ-sabačak».
Siłaviki pracujuć sa śpisami z bankaŭ i heta siońnia ich asnoŭny šlach vychadu na donaraŭ. U śpisach nie bačna, kudy mienavita vy danacili, a ŭ vašym FB Pay bačna», — kanstatuje Stryžak.
A dalej raskazvaje, što jany ciapier buduć rabić sami i rajać rabić inšym.
Zadačaj svajoj kamandy Andrej Stryžak bačyć pierakanańnie karparacyi ŭ tym, što svajoj pazicyjaj jana stvaraje pahrozu dla bolš čym 66000 čałaviek, jakija byli donarami dvuch najbujniejšych zboraŭ 2020 hoda.
Na siońnia ŭdałosia damahčysia vydaleńnia adnaho z hetych zboraŭ, ale samo pa sabie heta ničoha nie daje: źviestki pra danat zachoŭvajucca navat tady, kali sam zbor vydaleny z sacsietak.
Pazicyja kiraŭnictva fejsbuka stvaraje krytyčnuju pahrozu dla ŭsich biełarusaŭ, jakija danacili praz fejsbuk. Uličvajučy pravavy defołt u Biełarusi i adsutnaść va ŭładaŭ i siłavych struktur lubych strymak maralnaha charaktaru, absalutna realnaja pahroza pryznańnia «ekstremisckim» luboha zboru, asabliva kali jon skiravany na abaronu biełaruskaj kultury/movy i padtrymku Ukrainy.
Tamu na siońnia Stryžak bačyć dla tych, chto pad pahrozaj, dźvie opcyi: vydaleńnie z fejsbuka i adjezd z krainy. Pry hetym vydalacca z fejsbuka treba pravilna, pavodle prykładzienaha da jaho pasta ałharytmu.
Ale stopracentnuju harantyju, na žal, daje, na dumku Stryžaka, tolki vyjezd ź Biełarusi.
Čytajcie taksama:
«Akramia razdrukoŭki z banka, što ja rabiła płaciažy praz fejsbuk, u ich ničoha niama». Jašče adzin čałaviek u detalach raskazaŭ pra 4-hadzinny šantaž danatami
Jak schavać, što ty danaciŭ praz fejsbuk? Valeryj Capkała i Andrej Stryžak majuć roznyja mierkavańni
Stali viadomyja minimalnyja sumy «kampiensacyi» za danaty ź nieajcišnikaŭ
Čytačka, jakuju zabrali za danat: Psichałahičny cisk byŭ strašenny
Navat za 40 dalaraŭ. Pačynali z ajcišnikaŭ, a ciapier za danaty pačali ciahać usich zapar
Ja achviaravaŭ u fondy. Jak zrazumieć, što ja ŭ niebiaśpiecy?
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak13
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3333
Kamientary
A v ubiediť fiejsbuk čieriez ŚMI ich stran, politikov, lidierov mnienij nie možietie?
Vsie ujezžajtie…niet słov cienzurnych.