«Nie kapryz, a zahad». Na minskim zavodzie supracoŭnikaŭ zvolnili za admovu ŭstupić u łukašenkaŭski prafsajuz
Na minskim zavodzie «Termapłast» dvuch novych supracoŭnikaŭ zvolnili z pracy ŭ pieršy ž dzień za admovu ŭstupić u aficyjny prafsajuz.
Spačatku namieśnik dyrektara pa ideałohii prapanavała dobraachvotna zapisacca ŭ prafsajuz. Kali ž pačuła ich arhumienty, što tyja ŭžo źjaŭlajucca siabrami niezaležnaha prafsajuzu REP, kiraŭniki jakoha znachodziacca za kratami, to paviedamiła, što pracavać z takoj pazicyjaj na pradpryjemstvie nielha, choć zavodu i brakuje śpiecyjalistaŭ-naładčykaŭ.
U pryvatnaj razmovie ideołah tłumačyła supracoŭnikam, što prafsajuz — heta nie jaje kapryz, a zahad pa ŭsich dziaržaŭnych pradpryjemstvach.
Fiederacyja prafsajuzaŭ Biełarusi (FPB) choć i farmalna ličycca prafsajuznym abjadnańniem, nasamreč, takim nie źjaŭlajecca. Jak i sajuzy žančyn, moładzi i vieteranaŭ, heta padkantrolnaja dziaržavie struktura, jakaja absłuhoŭvaje kirujučy režym, u tym liku vyłučajučy svaich kandydataŭ u vybarčyja kamisii na psieŭdavybarach, na jakich nie viadziecca sumlenny padlik hałasoŭ. Uznačalvaje FPB Michaił Orda — davieranaja asoba Alaksandra Łukašenki, jaki raniej uznačalvaŭ Biełaruski respublikanski sajuz moładzi.
Na homielskim «Zavodzie lićcia i narmalaŭ» adbylisia zatrymańni. Zabrali 14 čałaviek — ŚMI
Jak razburany zavadski korpus u centry Minska pierarabili ŭ ofis dla IT-kampanii
U «Hrodnaenierha» spuścili śviežy śpis na zvalnieńnie, a ŭ niekatorych dziaržarhanizacyjach źbirajuć źviestki pra karty palaka i VNŽ u supracoŭnikaŭ
Kamientary