Hienieralny sakratar NATA Jens Stołtenbierh zajaviŭ u intervju Politico, što čakaje ŭstupleńnia Šviecyi ŭ NATA da lipienia. Pakul hetuju spravu tarmozić Turcyja, ale jość spadziavańnie, što jaje supraciŭ udasca pieraadoleć.
U piatnicu ŭviečary turecki parłamient ratyfikavaŭ siabroŭstva ŭ NATA Finlandyi. Turcyja stała apošniaj krainaj z 30 členaŭ Paŭnočnaatłantyčnaha aljansu, jakaja ŭchvaliła ŭstupleńnie Finlandyi ŭ hety vajenna-palityčny błok.
Finlandyja i Šviecyja padali zajaŭki na ŭstupleńnie ŭ NATA ŭ minułym hodzie razam, ale pryniaćcie abiedźviuch krain u aljans zaciahvałasia, bo parłamienty Turcyi i Vienhryi doŭhi čas adkładvali ratyfikacyju zajavak dźviuch krain.
Stołtenbierh adznačyŭ, što Šviecyja moža dałučycca da aljansu ŭ lipieni, u pieryjad pamiž parłamienckimi vybarami ŭ Turcyi, jakija projduć 14 maja, i samitam u Vilni, pryznačanym na 11 lipienia. Vienhryja taksama jašče nie ratyfikavała zajaŭku Šviecyi, adnak hałoŭnaj pieraškodaj dla dałučeńnia hetaj krainy da aljansu ličycca Turcyja.
Turcyja abvinavačvaje Šviecyju ŭ padtrymcy kurdskich hrupovak. Taksama jaje razdražnieńnie vyklikała spaleńnie asobnika Karana ŭ Stakholmie, z-za čaho pieramovy pamiž Šviecyjaj i Turcyjaj ab členstvie ŭ NATA na pačatku hoda byli časova prypynienyja. Adnak u sakaviku pieramovy adnavilisia.
Jens Stołtenbierh zaŭvažyŭ, što paśla dałučeńnia Finlandyi i Šviecyi da NATA 96% nasielnictva ES budzie žyć u krainach aljansu. Nie buduć siabrami aljansu tolki Aŭstryja, Irłandyja, Kipr i Malta.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks27
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary