Stała viadoma, kali projdzie respublikanski subotnik i na što pojduć zaroblenyja na im hrošy
Respublikanski subotnik projdzie ŭ Biełarusi 22 krasavika, zhodna z pastanovaj premjer-ministra Ramana Hałoŭčanki.
Hrašovyja srodki, zaroblenyja ŭ dzień subotnika, u tym liku na pracoŭnych miescach, pojduć na dva kirunki.
Pałova — Homielskamu abłvykankamu na rekanstrukcyju miemaryjalnaha kompleksu viaźniam Azaryckaha łahiera śmierci (Kalinkavicki rajon Homielskaj vobłaści).
Druhaja pałova — Bresckamu abłvykankamu na stvareńnie Respublikanskaha centra patryjatyčnaha vychavańnia moładzi.
Pra hety centr na bazie Kobrynskaha ŭmacavańnia Bresckaj krepaści stała viadoma hod tamu.
Tady načalnik adździeła ŭpraŭleńnia ideałahičnaj raboty Minabarony Siarhiej Kornieŭ na pres-kanfierencyi «Stvareńnie vajskova-patryjatyčnych kłubaŭ jak adna z paśpiachovych formaŭ raboty z navučenskaj moładździu» raspavioŭ, što heta nievialiki maładziožny patryjatyčny centr, u jakim 46 čałaviek.
«My płanujem naraścić hetu kolkaść da 300—500 čałaviek. Heta buduć jak chłopčyki, tak i dziaŭčynki z usich rehijonaŭ Biełarusi», — skazaŭ Kornieŭ.
Pavodle jaho słoŭ, Respublikanski centr patryjatyčnaha vychavańnia moładzi budzie sumiesnym prajektam z rasijskimi kalehami.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
biedny Brest ( biedny Kobryn ( biednaja Biełauś (