Prezidentka Małdovy Maja Sandu zaklikała hramadzian sabracca 21 maja na płoščy Vialikaha Nacyjanalnaha Schodu ŭ centry Kišyniova, kab padtrymać jeŭrapiejskuju intehracyju Małdovy.
«Dakažam usiamu śvietu, što hramadzianie Małdovy chočuć miru i demakratyi ŭ svajoj krainie, chočuć, kab Małdova stała častkaj Jeŭrasajuza», — zaklikała Maja Sandu.
Jana nahadała pra šmatlikija akcyi pratestu ŭ centry Kišyniova, arhanizavanyja prarasijskimi «Rucham dla naroda» i partyjaj «Šor».
«Čas pakazaŭ, što my vybrali pravilny šlach, i tyja, chto maryŭ destabilizavać situacyju ŭ Małdovie, paciarpieli niaŭdaču. Ale brudnyja hrošy ad tych, chto choča destabilizavać situacyju ŭ krainie, praciahvajuć pastupać.
Niekatoryja bačać toje, što adbyvajecca va Ukrainie, i radujucca złačynstvam. Hetyja ludzi, jakija pradali svaju krainu, hatovyja zraŭniać našy vioski i harady ź ziamloj, aby viarnucca da ŭłady. Hrupa zładziejaŭ, jakim płaciać brudnyja hrošy, pastaviła sabie metu pieraškodzić našamu jeŭrapiejskamu šlachu, našamu šlachu da miru i roskvitu», — zajaviła Sandu.
Prezidentka adznačyła, što za tym, što adbyvajecca ŭ Małdovie, naziraje ŭvieś śviet.
«U mnohich składvajecca pamyłkovaje ŭražańnie, što hramadzianie Małdovy hladziać na heta z abyjakavaściu. Mnohija pamyłkova ličać, što hramadzianie našaj krainy abyjakavyja i nie robiać nijakich dziejańniaŭ.
Niekatoryja dahetul sumniavajucca, ci sapraŭdy naš narod choča ŭstupić u Jeŭrasajuz. Ja prapanuju adkazać im», — zajaviła kiraŭnik dziaržavy i zaklikała ŭsich hramadzian sabracca 21 maja na centralnaj płoščy Kišyniova.
«Pryjšoŭ čas małdavanam pakazać, što my — rašučy narod, my haspadary va ŭłasnym domie, my — narod, jaki moža adstojvać demakratyju i mir. Pryjšoŭ čas usim, na Uschodzie i Zachadzie, ubačyć, što my adzinyja i mužnyja ŭ vyrašalnyja dla našaha losu momanty.
Padtrymajcie našu ahulnuju maru. Davajcie pakažam, što my chočam miru. My chočam, kab Jeŭrasajuz staŭ našym domam. Davajcie źbiaromsia hetak ža, jak my sabralisia, kali zapatrabavali niezaležnaści i atrymali jaje. Hetak ža, jak my abjadnalisia i abaraniali našu demakratyju i stajali na svaim u samyja ciažkija časy. Dyk davajcie ž źbiaromsia zaraz», — zaklikała prezidentka.
Sandu adznačyła, što ŭ najbližejšy čas płanuje bolš padrabiazna abmierkavać detali schodu, jaki rychtujecca, z hramadzianskaj supolnaściu i palityčnymi siłami.
«Navat kali ŭ nas časam roznyja mierkavańni, ciapier nie čas dla svarak i raskołu. Ciapier čas abjadnacca i razam stać častkaj jeŭrapiejskaj siamji. Vialikija rašeńni prymajucca ludźmi na płoščy Vialikaha Nacyjanalnaha Schodu», — zajaviła jana.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
jakaja kruče, čym sandu
pazdraŭlaju)