Niekatoryja fizičnyja praktykavańni mohuć pakazać, nakolki my zdarovyja. Siarod ich — stojka na adnoj nazie. Raskazvajem, što treba zrabić i jak rastłumačyć vynik.
Stojka na adnoj nazie — adzin z samych prostych testaŭ na pravierku našaha stanu zdaroŭja. U adroźnieńnie ad, naprykład, analizaŭ, jaho možna spakojna pravieści doma.
Zdajecca, što stojka na adnoj nazie nie ciažkaja sprava. Ale tak dumaješ, pakul nie pasprabuješ. Hetaje praktykavańnie patrabuje peŭnych namahańniaŭ i zasiarodžanaści. Asabliva kali jaho vykonvać z zapluščanymi vačyma.
Takim čynam, stańcie roŭna, vyciahnicie pierad saboju ruki (možna raźvieści ŭ baki dla lepšaj padtrymki raŭnavahi). Padymicie adnu nahu sahnutaj u kalenie (možna dakranucca piatkaj da kalena druhoj nahi) i zapluščycie vočy. Pasprabujcie jak maha daŭžej pratrymać raŭnavahu.
Jak śćviardžajuć vučonyja, kali čałaviek va ŭzroście 20-40 hadoŭ nie moža prastajać na adnoj nazie bolš za dvaccać siekund, to isnuje pavyšanaja ryzyka paškodžańnia drobnych kryvianosnych sasudaŭ u hałaŭnym mozhu i źnižeńnia kahnityŭnych zdolnaściej.
Zrazumieła, što hetaje praktykavańnie budzie ciažkim ludziam pažyłym i ciažarnym. Składanaści z trymańniem raŭnavahi pačynajuć prajaŭlacca ŭ 35-40 hadoŭ. Pryčym jany bolš zaŭvažnyja ŭ mužčyn, čym u žančyn. Paśla 72 hadoŭ ludzi mohuć prastajać na adnoj nazie mienš za 10 siekund. U hetym uzroście pakazčyki mužčyn i žančyn stanoviacca adnolkavymi.
Zamiest stojki na adnoj nazie možna vykanać inšaje praktykavańnie. Stańcie tak, kab vašy nohi byli razam, a stupni dakranalisia adna da druhoj. Vyciahnicie ruki pierad saboju i zapluščycie vočy.
Jak śćviardžajuć vučonyja, pra najaŭnaści roznych paražeńniaŭ niervovaj sistemy čałaviek nie moža zachoŭvać raŭnavahu ŭ hetaj pozie bolš za 15 siekund.
Praktykavańnie možna ŭskładnić. Dla hetaha treba pastavić adnu nahu pierad druhoj tak, kab piatka piaredniaj dakranałasia da naska zadniaj.
Čamu nam ciažka trymać raŭnavahu? Z uzrostam słabiejuć našy myšcy, a mozhu składaniej apracoŭvać sihnały ab stanoviščy našaha cieła ŭ prastory. Akramia ŭzrostu, istotnuju rolu adyhryvaje małaruchomy ład žyćcia. A mozh čałavieka pavinien uvieś čas treniravacca, atrymlivajučy infarmacyju ad ruchomych myšcaŭ i sustavaŭ.
Vučonyja śćviardžajuć, što čym mienš čałaviek va ŭzroście 50 hadoŭ i bolej moža prastajać na adnoj nazie z zapluščanymi vačyma, tym nižejšaja u jaho vierahodnaść pražyć nastupnyja 13 hadoŭ.
Ale nie treba pužacca, kali vynik vas nie zadavoliŭ. Umieńnie stajać na adnoj nazie možna treniravać. Na heta zdolnyja navat ludzi ź nieŭrałahičnymi zachvorvańniami.
Možna pačać z taho, kab pieryjadyčna stajać na adnoj nazie ŭ toj čas, jak myješ posud ci čyściš zuby. Praktykavańnie palepšyć zdolnaść trymać raŭnavahu i, adpaviedna, źnizić ryzyku niebiaśpiečnych padzieńniaŭ. Treniroŭki paspryjajuć prafiłaktycy takich zachvorvańniaŭ, jak demiencyja.
Pryčyny niedastatkova praciahłaha trymańnia raŭnavahi mohuć być roznyja. Tamu, kali vy zakłapočanyja vynikam, lepš źviarnucca da doktara.
Źviartajem vašu ŭvahu na nieabchodnaść vykonvać praktykavańnie z zabieśpiačeńniem biaśpieki pry stracie raŭnavahi i praduchileńnia padzieńnia.
Kamientary
nu vy (iźvinitie) i ̷d̷u̷r̷a̷k̷
vy b tam tatuchu kakuju s riekłamoj nabili čto li
čtob stojať nie prosto tak