Svajaki Dzianisa Ivašyna atrymlivajuć pahrozy za infarmacyju pra palitźniavolenaha
Blizkija palitźniavolenaha Dzianisa Ivašyna atrymlivajuć pahrozy i prośby nie raskazvać pra jaho. Inakš abiacajuć zładzić «infarmacyjna-kamunikacyjnuju błakadu»: pazbavić zvankoŭ, listoŭ i spatkańniaŭ, u tym liku z abaroncam. Adnaho doŭhaterminovaha i niekalkich karotkaterminovych Dzianisa ŭžo pazbavili, piša Hrodna.life.
«My absalutna surjozna stavimsia da takich pahroz, tym bolš što pra padobnyja ultymatumy kažuć i inšyja svajaki palitviaźniaŭ. <…> Ale ŭ takich umovach pahadžacca na zapałochvańnie — značycca davać im u ruki instrumient dla dalejšaha šantažu i cisku. Tamu chaj nie spadziajucca, kali mieli taki namier», — paviedamiła žonka Dzianisa Ivašyna Volha.
22 krasavika Dzianis Ivašyn maje čarhovy raz telefanavać rodnym.
«Najbližejšyja dni pakažuć, ci sapraŭdy administracyja PK-15 dasyłała nam takija ultymatyŭnyja sihnały, ci heta prosta «dobrazyčliŭcy» starajucca nam «dapamahčy». My damaŭlalisia ź Dzianisam na štotydniovyja listy, telefanavańni pavodle hrafika i pastajannyja sustrečy z advakatam. Najaŭnaść usiaho hetaha śviedčyć pra toje, što ź im usio ŭ paradku. Adsutnaść chacia b adnaho z hetych punktaŭ budzie śviedčyć pra toje, što supracoŭnikam kałonii jość što chavać, što jany katujuć Dzianisa i navat źbirajucca jaho zabić», — ličyć Volha Ivašyna.
Hrodzienski žurnalist-rasśledavalnik Dzianis Ivašyn asudžany na 13 hadoŭ 1 miesiac kałonii ŭzmocnienaha režymu sa štrafam u 150 bazavych vieličyń (4800 rubloŭ) pa č. 1 art. 356 «Zdrada dziaržavie» i č. 1 art. 179 KK «Niezakonnyja źbirańnie albo raspaŭsiud infarmacyi ab pryvatnym žyćci».
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary