Prezident VP Group i asnoŭny ŭładalnik sietki Maxima Nieryjus Numa (raniej jon nasiŭ proźvišča Numavičus) bolš nie maje dačynieńnia da rezidenta SEZ «Hrodnainviest» — miasapierapracoŭčaj kampanii «Kvinfud».
Office Life źviarnuŭ uvahu, što kampanija bolš nie značycca ŭ śpisie aktyvaŭ fondu.
«Kvinfud» isnuje z 2003 hoda (raniej — jak daččynaja struktura biełastockaha chołdynhu Mispol) i vyrablaje miasnyja kansiervy, jakija pradajucca ŭ tym liku ŭ rasijskich sietkach.
Nieryjus Numa ŭziaŭ «Kvinfud» pad kantrol na pačatku 2010-ch, kali jaho inviestycyjnaja kampanija NDX inviestavała ŭ Mispol. U 2012 hodzie «Kvinfud» była vyviedzienaja za ramki maciarynskaj kampanii i stała samastojnaj strukturaj u partfieli NDX.
Nieryjus Numa ličycca adzinym miljarderam Litvy. U 2020 hodzie jaho bahaćcie aceńvałasia ŭ 2,5 młrd jeŭra.
Mispol, jak jašče adzin polski vytvorca miasnych kansiervaŭ Arteta, słavackaja kampanija dziciačaha charčavańnia Novofruct SK i najbujniejšy ŭ Litvie i Łatvii pastaŭščyk achoŭnych pasłuh Eurocash1, siońnia pa-raniejšamu značacca siarod partfielnych kampanij fondu Numy. A voś kampanija «Kvinfud» źnikła nie tolki z hetaha śpisu, ale i ź pieraliku paśpiachovych ekzitaŭ.
Nasamreč, hrodzienskaja kampanija ŭsio ž była pradadzienaja — jašče da źjaŭleńnia znakamitaha śpisu aktyvaŭ, vychad ź jakich zamiežnikam zabaronieny. Pavodle infarmacyi, jakaja znachodzicca ŭ adzinym dziaržrehistry jurydyčnych asob i indyvidualnych pradprymalnikaŭ, z krasavika minułaha hoda 100%-nym ułaśnikam «Kvinfuda» źjaŭlajecca biełaruski biznesoviec Valeryj Zahorski.
-
Naftapravod u rajonie Prymorska paškodžany nočču dronami. Party Uść-Łuha i Prymorsk druhi tydzień nie prymajuć naftu
-
Tramp zajaviŭ pra ŭnikalnaje vyratavańnie abodvuch piłotaŭ F-15 z hłybini iranskaj terytoryi
-
«Tut niemahčyma sustreć pjanych». Biełarus raskazaŭ, jak žyvie na inšym baku ziamnoha šara
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj2
Kamientary