Zapuściać ich z ranicy śpiecyjalnyja bryhady.
Z raskładam vodnych fiejeryj ad kožnaha zbudavańnia možna aznajomicca na sajcie UP «Minskzielanbud», paviedamlajuć Minsk-naviny.
Miarkujučy pa im, bolšaść fantanaŭ pačnuć pracavać pa budniach z 11:00 da 21:00. Niekatoryja ź ich — z 10:00. Naprykład, fantany «Stalica» na płoščy Niezaležnaści, «Spadčyna» na płoščy Svabody, «Biełaruś partyzanskaja» na skryžavańni Partyzanskaha praśpiekta i vulicy Varvašeni. Fantan la budynka Viarchoŭnaha Suda budzie pracavać z 9:00 da 21:00.
Samy vidoviščny fantan, «Śvisłač», jaki demanstruje śviatłomuzyčnyja šou nad vodnaj roŭniadździu adnajmiennaj raki pablizu parku imia Kupały, budzie pracavać z 16:00 da 23:00 štodnia.
Amataram vodnych kancertaŭ varta źviarnuć uvahu na režym pracy fantanaŭ. Niekatoryja rukatvornyja hiejziery ŭ vychadnyja i śviatočnyja dni buduć radavać haradžan i haściej stalicy da samaj apoŭnačy.
Na absłuhoŭvańni «Minskzielanbuda» znachodzicca 38 fantanaŭ. Na ich funkcyjanavańnie mohuć paŭpłyvać rehłamientnyja pracy, jakija, jak praviła, pravodziacca raz u miesiac, albo asablivyja ŭmovy nadvorja. Tak, fantany mohuć być adklučanyja pry vypadzieńni apadkaŭ u vyhladzie daždžu bolš za 5 mm/h; tempieratury pavietra nižej +10 °C, uzmacnieńni vietru paryvami bolš za 10 m/s.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku44
Kamientary