Adzinota takaja ž niebiaśpiečnaja, jak 15 cyharet u dzień — hałoŭny doktar ZŠA
Hałoŭny sanitarny doktar Vivek Murci apublikavaŭ paradu, jakaja zaklikaje stavicca da sacyjalnaj izalacyi hetak ža surjozna, jak da atłuścieńnia abo złoŭžyvańnia narkotykami.
Vysokapastaŭleny čynoŭnik achovy zdaroŭja ZŠA papiaredziŭ, što kraina sutyknułasia z epidemijaj adzinoty, jakaja hetak ža niebiaśpiečnaja, jak vykuryć 15 cyharet u dzień.
Hałoŭny sanitarny doktar ZŠA Vivek Murci apublikavaŭ paradu, jakaja zaklikaje stavicca da sacyjalnaj izalacyi hetak ža surjozna, jak da atłuścieńnia abo złoŭžyvańnia narkotykami, paviedamlaje Bi-bi-si.
Jon ličyć, što amal pałova amierykancaŭ u niejki pieryjad žyćcia pakutavała ad adzinoty.
Murci taksama apublikavaŭ Nacyjanalny płan adnaŭleńnia sacyjalnych suviaziaŭ.
Adzinota, jak paviedamlajecca, pavialičvaje ryzyku zaŭčasnaj śmierci amal na 30% z-za takich zachvorvańniaŭ, jak dyjabiet, sardečny prystup, biassońnica i demiencyja.
Niedachop sacyjalnych suviaziaŭ, piša doktar, taksama źviazany z bolš nizkimi pośpiechami ŭ vučobie i bolš nizkaj pradukcyjnaściu na pracy.
Prablema abvastryłasia z-za pandemii kavidu, jakaja prymusiła mnohich ludziej skaracić koła svaich znosin.
Pavodle daśledavańnia, jakoje cytuje doktar, koła znosin ludziej zvuziłasia na 16% z červienia 2019 hoda da červienia 2020-ha.
Murci zaklikaje da sumiesnych namahańniaŭ pa «ŭładžvańni sacyjalnaj struktury našaj nacyi», kab «destyhmatyzavać adzinotu i źmianić našu kulturnuju i palityčnuju reakcyju na jaje».
Jaho stratehija maje šeść napramkaŭ, jakija ŭklučajuć namahańni pa ŭmacavańni sacyjalnaj infrastruktury ŭ supolnaściach, zbolšaha za košt vykarystańnia sistem hramadskaj achovy zdaroŭja.
Doktar zaklikaje da dziaržaŭnaj palityki, nakiravanaj na suviaź pamiž ludźmi, raspracavanaj z dapamohaj daśledavańniaŭ, kab zapoŭnić prabieły ŭ danych ab nastupstvach sacyjalnaj izalacyi.
Heta taksama padkreślivaje nieabchodnaść bolš prazrystych danych ad technałahičnych kampanij i reformy ličbavaha asiarodździa.
Parady źjaŭlajucca častkaj bolš šyrokich namahańniaŭ administracyi Džo Bajdena pa vyrašeńni prablemy psichičnaha zdaroŭja, zajaviła ŭ paniadziełak pres-sakratar Biełaha doma Karyn Žan-Pjer. Maj — miesiac viedaŭ ab psichičnym zdaroŭi ŭ ZŠA.
U toj čas jak takija zajavy nakiravany na pavyšeńnie abaznanaści, pra novyja abiacańni fiederalnaha finansavańnia dla baraćby z hetaj prablemaj pakul nie paviedamlałasia.
Čytać taksama:
Paradantoz spryčyniaje i inšyja chvaroby: navat paskaraje demiencyju
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary