Madel padoŭžyła svaje nohi na 14 santymietraŭ dla «zručnaści ŭ seksie» FOTY
Kaštuje takaja apieracyja vielmi niatanna.
Niamieckaja 31-hadovaja madel Terezija Fišer rašyłasia na padaŭžeńnie svaich noh dla «palapšeńnia svajho seksualnaha žyćcia». Pra heta 3 maja paviedamiła hazieta New York Post sa spasyłkaj na instahram-staronku madeli.
Dla dasiahnieńnia svajoj mety Terezija źviarnułasia da darahoj i składanaj dvuchetapnaj apieracyi, jakaja padoŭžyła jaje nohi na 14 santymietraŭ. Na fonie hetaha ahulny rost dziaŭčyny pavialičyŭsia sa 168 da 182 santymietraŭ.
Kaštavała heta ŭsio zvyš 160 tysiač dalaraŭ.
Ahulny košt apieracyi skłaŭ 124 tysiačy dalaraŭ, ale leki i fizijaterapija pavialičyli hetuju sumu da 161 tysiačy dalaraŭ. Apošnim časam padobnyja apieracyi stanoviacca vielmi papularnymi ŭ žančyn, niahledziačy na vielizarny košt i bol», — piša New York Post.
Pra bol tut zhadvajecca niezdarma. Reč u tym, što takaja chirurhičnaja apieracyja — vielmi balučy praces, jaki supravadžajecca pavolnym i pakutlivym raściahvańniem niervaŭ, ciahlic i tkanak noh.
U nohi ŭstaŭlajucca śpiecyjalnyja impłanty, jakija dzień za dniom i milimietr za milimietram pavialičvajuć daŭžyniu kaniečnaściaŭ.
«Padčas pracedury chirurh łamaje kości ŭ dźviuch nahach pacyjenta i ŭstaŭlaje ŭ ich rehulavanyja teleskapičnyja stryžni. Ciaham nastupnych troch miesiacaŭ paśla apieracyi hetyja stryžni padaŭžajuć nohi na adzin milimietr u dzień, što ŭ kančatkovym vyniku robić čałavieka vyšejšym», — adznačaje New York Post.
Ale, niahledziačy na ŭsie niahody i «chvalu chejtu ŭ internecie», Terezii spadabalisia źmieny ŭ svaim ciele.
«Maje nohi vielmi hnutkija, z-za čaho seks staŭ lepšym, a miesca dla manieŭru ŭ łožku stała bolš», — dzielicca jana.
Akramia taho, pa słovach madeli, apieracyja joj była patrebnaja i dla pieraadoleńnia psichałahičnaj traŭmy ad šmathadovych ździekaŭ z-za karotkich noh, a taksama dla pavieličeńnia kolkaści prapanoŭ pracoŭnaha supracoŭnictva.
Čytajcie jašče:
-
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
-
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
-
Janocicha Jasienija, jakaja nielehalna pryjechała z ZŠA, znajšła muža ŭ Baranavičach
Kamientary