U Minsku praviarali vientylacyju z dapamohaj lista papiery i brali za heta 135 rubloŭ
Supracoŭniki pryvatnaj kampanii prapanoŭvali pažyłym minčanam pasłuhi pa ačystcy sistemy vientylacyi, vydajučy siabie za pradstaŭnikoŭ ŽESa i inšych dziaržstruktur. Tym, chto admaŭlaŭsia, pahražali administracyjnymi spravami i štrafami, paviedamlaje ahienctva «Minsk-Naviny» sa spasyłkaj na pradstaŭnika Śledčaha kamiteta.
Padazravanyja — pradstaŭniki aficyjna zarehistravanaj firmy «Biełbytvientylacyja», jakaja śpiecyjalizujecca na čystcy i ŭborcy budynkaŭ, pramysłovych mašyn i abstalavańnia.
Pa infarmacyi śledstva, ź lipienia 2020 hoda pa śniežań 2021-ha rabotniki kampanii prapanoŭvali minčukam pasłuhi pa ačystcy sistemy vientylacyi. Čaściej za ŭsio jany vybirali kvatery, dzie žyvuć pažyłyja ludzi.
Machlary pierakonvali piensijanieraŭ, što pasłuhu akazvaje dziaržaŭnaja arhanizacyja, a čystka vientylacyi abaviazkovaja dla ŭsich kvater. U niekatorych vypadkach padazravanyja pradstaŭlalisia rabotnikami ŽES i inšych dziaržstruktur. Kali ž piensijaniery nie zhadžalisia na darahuju pasłuhu, to ich pałochali pryciahnieńniem da administracyjnaj adkaznaści z boku MNS.
U vyniku haradžanie zhadžalisia i padpisvali damovy. Paśla ačystku sistemy vientylacyi pravodzili zvyčajnym pyłasosam, a pravierku ciahi − arkušam zvyčajnaj papiery.
Košt servisu vahaŭsia ad 135 da 175 rubloŭ. Usiaho śledčyja vyznačyli bolš za tysiaču paciarpiełych, a suma škody pieravysiła 175 tysiač rubloŭ.
Suprać padazravanych zaviedzienaja kraminalnaja sprava pa č. 2 art. 209 KK («machlarstva, ździejśnienaje hrupaj asob»).
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary