U Minsku možna pahladzieć karty, jakimi padarožniki karystalisia stahodździ tamu
U Minskaj abłasnoj biblijatecy ŭračysta adkryłasia vystava «Mastactva staražytnaj kartahrafii». Jaje składalnik — viadomy biełaruski vučony, historyk, kartohraf, hałoŭny redaktar «Vialikaha histaryčnaha atłasa Biełarusi» Leŭ Kazłoŭ, piša «Źviazda».
Vystava — svojeasablivy partał u minułaje, jaki dazvalaje daviedacca, jak raniej ludzi ŭsprymali śviet, jakija sprečki vialisia vakoł jaho mahčymych vyjaŭ.
Lva Kazłova kalehi za apantanaje zachapleńnie, źviazanaje z pošukam i adnaŭleńniem staražytnych kart, prazvali biełaruskim Mierkataram — u honar fłamandskaha hieohrafa i kartohrafa Hierarda Mierkatara, jaki sabraŭ navihacyjnuju kartu śvietu na 18 listach.
Dziakujučy pošukam u archivach, biblijatekach, na aŭkcyjonach i ŭ pryvatnych kalekcyjach Lvu Ramanaviču ŭdałosia pabačyć i ŭznavić šykoŭnuju kalecyju staradaŭnich dakumientaŭ. U vyniku jaho pracy ŭ ekspazicyjach biełaruskich muziejaŭ źjavilisia raniej nieviadomyja vyjavy biełaruskich ziemlaŭ, jakimi karystalisia padarožniki stahodździ tamu.
Dla novaj vystavy Leŭ Ramanavič abraŭ niezvyčajny padychod — akcent zrobleny na toje, jak raniej afarmlalisia karty i atłasy. Tak, u Siaredniavieččy dla takoj spravy kartohrafy źviartalisia pa dapamohu viadomych vydaŭcoŭ i mastakoŭ. Nievypadkova ChVI — ChVII stahodździ ličać załatoj epochaj u raźvićci kartahrafii.
U toj čas takija staražytnyja dakumienty sapraŭdy byli padobnyja na mastackija tvory. U atłasach možna było pabačyć vyjavy pryhožych miaścin, pobyt haradoŭ, siužety lehiend.
Na adnoj z kart, što patrapiła ŭ ekspazicyju, jość navat monstry: takim čynam jaje ŭkładalniki nahadvali, nakolki składanym i niebiaśpiečnym byŭ šlach marakoŭ. Hety pryjom z «zastrašvalnymi» elemientami dapamahaŭ padymać ceny na pryviezienyja zamorskija tavary.
Miž inšym, u toj čas drukavalisia tolki čorna-biełyja vydańni, a dalej jany ad ruki razmaloŭvalisia akvarelnymi farbami. Kalarovy ž druk źjavicca tolki ŭ XIX stahodździ.
Na vystavie možna pabačyć partrety znakamitych kartohrafaŭ i asobnyja z rabot, jakija, dziakujučy ich namahańniam, pabačyli śviet.
Ekspazicyja taksama daje ŭjaŭleńnie pra historyju kartahrafii, dazvalaje prasačyć jak pa-roznamu padavaŭsia taki materyjał, jakija źviestki byli zapatrabavanyja ŭ peŭnyja časy.
Ciapier čytajuć
Što viadoma pra biełarusa, jaki zahinuŭ la Elbrusa6
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary